Нејзината исхрана е богата со свежо овошје, зеленчук, житарки, протеини и јаткасти плодови.

Ана Ивановиќ (37) отсекогаш имала вита линија на која многумина ѝ завидуваат, а тоа најмногу се должи на здравиот начин на живеење што го води. Убавата Ана трипати се породи, со Бастијан Швајнштајгер има три сина, а сите велат дека никогаш не изгледала подобро.

Ана одлично се грижи за своето лице и тело, а своевремено пишуваше дека не може да замисли ден без шолја чај.

Имено, тоа е јапонскиот зелен чај во прав, кој носи многубројни придобивки за нашето тело. Поранешната тенисерка најчесто го пие ладен, а го сака затоа што го намалува стресот, а со тоа го спречува и создавањето брчки.

 

View this post on Instagram

 

A post shared by Ana Ivanović (@anaivanovic)

„Ги сакам одличните ефекти на мача-чајот. Го намалува стресот и ги подобрува концентрацијата, меморијата и расположението“, истакна Ана еднаш.

Често на „Инстаграм“ споделува што јаде, а еднаш го покажа и својот омилен рецепт.

„Почнете ја годината со здраво јадење. Мојот омилен рецепт: брокула, фалафел, аспарагус, сладок компир, елда или кафеав ориз, црвена зелка, ‘рдоква, краставица и зелена салата како основа. Додадете ги омилените додатоци и уживајте во оброкот“, напиша тогаш Ана.

Нејзината исхрана е богата со свежо овошје, зеленчук, житарки, протеини и јаткасти плодови, а сака да го почне денот со еден од омилените појадок.

„Здравјето е богатство. Никогаш не сум верувала во диети, туку во квалитетна исхрана“, изјави убавата поранешна тенисерка.

Здравјето на кожата не е само резултат на надворешна нега, туку и на она што го внесуваме во нашите тела. Иако многумина веруваат дека добрата хидратација е клучна, адекватната, урамнотежена исхрана игра подеднакво важна улога во одржувањето на младешкиот изглед. Експертите за кожа често истакнуваат дека храната која содржи премногу шеќер, рафинирани јаглехидрати и штетни масти може сериозно да влијае на здравјето на кожата, предизвикувајќи воспаление, намалување на еластичноста и забрзување на стареењето. Овој текст дава детали за две намирници кои имаат особено негативно влијание на вашата кожа.

Путер и маргарин – скриени опасности за вашата кожа
Иако путерот и маргаринот често завршуваат на трпезата како секојдневни состојки, прекумерното консумирање може да биде штетно за вашата кожа. Многу луѓе не се свесни дека оваа храна може да предизвика сериозни последици, иако содржи корисни хранливи материи, како витамин Д и калциум.

Дерматологот д-р Елејн Ф. Кунг предупредува дека млечните производи, како путерот, може да го зголемат нивото на хормонот ИГФ-1, што доведува до помрсна кожа. Таквата кожа може да ги затне порите и да ги влоши акните. Од друга страна, маргаринот, богат со трансмасни киселини, може да го забрза процесот на стареење. Овие трансмасни киселини ја зголемуваат чувствителноста на кожата на УВ-зрачењето, кое ги оштетува колагенот и еластинот, два клучни протеина што ја одржуваат кожата цврста и еластична.

Совети за поздрава замена: Ако ви се допаѓа богатството на вкус што го дава путерот, размислете за поздрави алтернативи, како авокадо или маслиново масло. Овие опции се богати со здрави масти, кои го поддржуваат здравјето на кожата.

Слатки житарки – непријател на младешкиот изглед
Житариците кои се богати со шеќер, како оние што често се наоѓаат во инстант-појадокот и слатките колачи, може сериозно да влијаат на здравјето на вашата кожа. Високиот гликемичен индекс на овие зрна често е под влијание на нивната висока содржина на шеќер, што го активира процесот на гликација. За време на гликацијата молекулите на шеќерот се врзуваат за протеините, како колаген и еластин, создавајќи напредни финални производи на гликација (AGEs), кои ја ослабуваат структурата на кожата.

Прекумерното внесување рафиниран шеќер може да доведе до оштетување на колагенот и еластинот, што резултира со намалена еластичност и опуштена кожа. Дерматологот д-р Симран Сети советува да ги замените зашеќерените житарки со овошје, кое не само што го задоволува вашата желба за слатко туку и ја хидрира вашата кожа благодарение на високата содржина на вода и природните антиоксиданси.

Алтернатива за поздрав појадок: освен овошје, можете да се одлучите за интегрални житарки, кои имаат понизок гликемиски индекс и се богати со влакна, кои придонесуваат за здравјето на кожата и целокупната благосостојба.

Клучот за одржување на младешки изглед
Диетата што фаворизира свежа, непреработена храна и богата со витамини, минерали и здрави масти може да има огромно влијание врз здравјето на вашата кожа. Избегнувањето храна што го зголемува воспалението, како што се путерот, маргаринот и засладените житарки, може да биде првиот чекор кон одржување на младешкиот изглед и спречување на предвремено стареење. Со правилна исхрана и нега вашата кожа ќе остане сјајна, еластична и здрава.

Дали се насмеавте денес? Ако не сте, имате изговор да почнете да се смеете без некој да ве гледа чудно.

Имено, на 10-ти јануари го славиме Светскиот ден на смеата – ден посветен на радоста, спонтаноста и поврзаноста меѓу луѓето. Смеата е универзална, но и лична – од заразно кикотење до тивка насмевка – затоа што, исто како и отпечатокот од прст, смеата е единствена и открива многу за нас. Овој ден се слави од 1998 година на иницијатива на индискиот лекар Мадан Катарија.

Но, смеата не е само забава – таа е и многу корисна за нашето здравје.

Научно е докажано дека децата се смеат до триста пати на ден, додека возрасните се смеат само околу дваесет пати. Излегува дека колку старееме, толку повеќе забораваме на кратките моменти на радост. И токму овие моменти можат да ја направат разликата.

По само неколку минути смеење, се намалува нивото на кортизол, хормонот на стресот, кој ја ублажува анксиозноста и помага при опуштање, а го зголемува производството на ендорфин, хормонот на среќата. Исто така го стимулира мозокот и ја подобрува концентрацијата, што може да доведе до подобра меморија.

Смеата согорува калории
Освен што ви го подига расположението, смеењето поттикнува физичка активност – десет минути смеење може да согорите и до четириесет калории. Активира дури 80 мускули во телото, вклучително и 17 на лицето. Неколку минути смеење може да имаат сличен ефект како 15 минути вежбање на собен велосипед.

Смеењето со другите дополнително создава чувство на поврзаност, гради меѓусебна доверба и позитивна слика за себе, што придонесува за поголема самодоверба на долг рок.