Спорт
Хоџсон ќе го враќа стариот сјај
Екипата на Ливерпул е најголемата енигма пред саботниот старт на сезоната во Премиерлигата.
Екипата на Ливерпул е најголемата енигма пред саботниот старт на сезоната во Премиерлигата. Долгогодишниот менаџер, Рафа Бенитез го напушти тимот, него на кормилото го замени, Рој Хоџсон. Искусниот велшанец во новата сезона влегува со само една цел, осовојување на титулата, која навивачите ја чекаат уште од 1990 година. ЛиверпулПрекар: Црвените Стадион: Енфилд, капацитет 45.362 седиштаМанаџер: Рој Хоџсон, на чело на тимот од јули 2010Титули: Шампион на Англија 18 титули, ФА Куп 7 титули, Лига Куп 7 титули, Лига на шампиони 5 титули, УЕФА Куп 3 титули, Европски Суперкуп 3 титули Пласман во сезоната 2009/2010: Седмо местоНови играчи: Дани Вилсон (Галзгов Ренџерс), Џо Кол (Челзи), Милан Јовановиќ (Стандард Лиеж), Јоно Шевлеј (Чарлтон)Заминаа од клубот: Филип Деген (Штутгарт), Алберт Риера (Олимпијакос), Мајкл Сан Хозе (Атлетик Билбао), Јоси Бенајун (Челзи)Прогноза: Доколку ја архивирале ерата на Бенитез, играчите на Ливерпул лесно ќе ја разберат фудбалската филозофија на Рој Хоџсон. Велшанецот најпрвин ќе се обиде да ги врати во живот двете најголеми ѕвезди, Стивен Џерард и Фернандо Торес, истото важи и за Рајан Бабел. Влијателниот играч од средниот ред Хавиер Маскерано ќе остане во тимот, што со засилувањата Кол, Јовановиќ и Вилсон, го прави Ливерпул респектибилен состав. Хоџсон ќе ја напаѓа титулата, но сигурно е дека во мај следната година ќе биде задоволен и доколку тимот избори пласман во Лигата на шампионите.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.