Свет
Евакуација во Њујорк заради бомба
Њујоршки Тајм сквер бил евакуиран во саботата доцна навечер откако во теренско возило биле најдени експлозив, бензин, пропан и прегорени жици, јави Reuters
Агенцијата се повикува на изјава од анонимен пожарникар, кој рекол дека бил забележан човек како бега од возилото.Според истиот извор, полицијата превентивно евакуирала неколку блокови околу познатото место кое го посетуваат туристите на Менхетен, во случај да има и оставени други вакви возила.Плоштадот бил евакуиран нешто по 20 часот, а на местото биле довезени многу болнички возила. Портпаролот на њујоршката полиција Пол Браун изјавил дека од возилото излегувало чад, потврдувајќи дека полицијата има информација дека едно лице истрчало од возилото. По брза интервенција на пиротехничарите, малиот поќар бил изгаснат.На новинарите на Reuteres очевидци им рекле дека по 21 часот од правецот на аголот на 45-та улица и Седмата авенија каде било паркирано возилото, се слушнала мала експлозија. И сведоци на локалната телевизиска станица WABC-TV тврделе дека слуѓнале експлозија и пото виделе чад како излегува од возилото. Според телевизијата ABC News, нејзините извори рекле дека во возилото се наоѓале бензин и пропан, а можеби и барут, кои не се експлозивни смеси, но можат да бидат смртоносни.Инцидентот според њујоршката полиција бил пријавен во 18.35 часот по локално време, кога полицијата реагирала на пожар во возило кое било сомнително. Според ABC News, станува збор за возило Nissan Pathfinder, со регистерски ознаки на сојузната држава Конектикат, но телевизијата наведува дека се’ уште не може да се објави со сигурност пиротехничарската истрага, но дека е потврдено дека во возилото имало запаллива направа.CNN, пак, објави дека во возилото имало повеќе канистери со бензин и плински боци.Тајм сквер е се’ уште затворен, додека полицијата спроведува опсежна истрага, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.