Свет
САД го признаа Преодниот национален совет на Либија
Соединетите американски држави во петокот го признаа бунтовничкиот Преоден национален совет (TCN) како леглана либиска влада, што треба да претставува дипломатски поттик со кој ќе се ослободат милијарди долари замрзнати средства на режимот на либискиот лидер полковникот Моамер ел-Гадафи
Американската државана секретарка Хилари Клинтон изјави дека САД официјално го признаваат Преодниот национален совет, како равен и легитимен наследник на режимот на Моамер ел-Гадафи, до воспоставувањето на вистинската либиска преодна влада.„До формирањето на преодните власти, САД ќе го признаваат Привремениот национален совет како законско владејачко тело во Либија и кон него ќе се однесуваат во согласност со тоа“, изјави државната секретарка на САД, Хилари Клинтон,Пред САД, Привремениот национален совет во Бенгази го признаа членките на Контактната група, кои им се придружија на Франција, Велика Британија, Италија, Катар и уште дваесетина држави од цел свет кои претходна во различни форми ја признаа легитимноста на Преодниот национален совет. Како што пренесуваат светските агенции, според денешната изјава на Клинтон, денешните признавања се последица на гаранциите што ги понудиле бунтовниците. „Преодниот национален совет денеска понуди многу важни гаранции, меѓу другото го даде и ветувањето дека ќе ги продолжи започнатите демократски реформи, и тоа и на географски и на политички план“, изјави Клинтон пред новинарите во Истанбул, каде што престојуваше на состанока на Контакт групата за Либија.„САД се импресионирани со напредокот што го оствари Преодниот национален совет, а тоа дополнително го засилува нашето уверување дека станува збор за добар соговорник“, рече Клинот . Американската државна секретарка во петокот попладне во Истанбул се состана и со Махмуд Џибрил, вториот човек во хиерархијата на Привремениот национален совет на Либија чие седиште е во вториот по големина либиски град Бенгази. Контактната група којашто ја сочинуваат претставници на 30-ина земји, меѓународни и регионални организации, го избра специјалниот пратеник на Обединетите нации, Абдул Елах ал-Хатиба на либискиот лидер Моамер ел-Гадафи да му ги изнесе условите за неговото заминување од власта по повеќе од 40 години, во рамките на политичките мерки кои предвидуваат и запирање на судирите во Либија. Покрај тоа, Хилари Клинтон во Истанбул изјави и дека секој договор мора да содржи и одредби за заминувањето на Гадафи од власта, бидејќи и либискиот народ, како сите други, знае дека повеќе не е важно прашањето дали Гадафи ќе замине од власта, туку која ќе се случи тоа Признавањето на либискиот Преоден национален совет во Бенгази од страна на САД, се толкува како голем чекор кон одмрзнувањето на либиските средства во Америка во вредност од повеќе од 34 милијарди долари, но, за да може овие средства да му се упатуваат на Советот, сепак треба да се исклучат уште неколку правни пречки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.