Европа
Меркел критикувана дека се меша во изборите во Грција
Берлин очекува дека Атина и по предвремените парламентарни избори од 25-ти јануари и можната промена на власта да продолжи да ги исполнува договорените одредби од заемот во висина од 240 милијарди евра, изјави портпаролот на германската канцеларка Ангела Меркел, не коментирајќи ги наводите дека Меркел не би се противела на излегувањето на Грција од еврозоната, коишто некои медиуми во неделата го нарекоа мешање во внатрешните работи на Грција, а вицеканцеларот Зигмар Габриел вели дека Германија сака Грција да остане во еврозоната.
„Грција претходно ги исполни сите свои обврски. Германската влада претпоставува дека и натаму ќе ги исполнува своите договорени обврски“, кои ги наметна „тројката“ меѓународни кредитори, Европската центрана банка (ЕСВ), Европската комисија и Меѓународниот монетарен фонд (ММФ), изјави портпаролот Георг Штејтер.
Одбил да ги коментира наводите во неделникот Der Spiegel од саботата дека германската влада ги променила ставот и сега верува дека еврозоната е подготвена да се справи со евентуалното излегување на Грција од еврозоната, доколку биде потребно. Меркел и нејзиниот министер за финансии Волфганг Шојбле го промениле мислењето и „сега го сметаат подносливо излегувањето на некоја земја од монетарната унија, бидејќи напредокот во еврозоната е постигнат по кризниот самит во 2012 година“, напиша во саботата навечер Spiegel Online.
Портпаролот Штејтер истакна во неделата дека „секоја нова влада мора да ги почитува договорите со обврски од претходната влада“.
Неделното издание на грчкиот дневен весник Kаthimerini ја пренесува изјавата на вицепремиерот Евангелос Венизелос дека Шојбле во 2011 година ѝ предлагал на Атина да го напушти еврото, но морал да го промени мислењето поради опасноста којашто грчкото излегување би го претставувала за остатокот од еврозоната.
Германската влада сака Грција да остане во еврозоната и не постојат поинакви планови, изјави заменикот на канцеларката Зигмар Габриел како реакција на медиумските написи дека Берлин верува дека монетарната унија може да издржи и без Грција.
Габриел, кој истовремено е и министер за економија и челник на социјалдемократите (SPD), во интервјуто за весникот Hannoversche Allgemeine Zeitung, коешто интегрално ќе биде објавено во понеделник, исто така, вели дена еврозоната последните години станала поотпорна и никој не може да ја уценува.
„Целта на германската влада, на Европската унија, како и на владата во Атина, е да ја задржи Грција во еврозоната. Немало и нема поинакви планови“, вели Габриел и додава дека евозоната станала постабилна во последните неколку години.
„Оттаму нас никој не може да не уценува. И ние очекуваме дека грчката влада, без оглед на тоа кој ќе ја предводи, ќе се придржува на договорот со Европската унија“, алудирајќи на можната промена на власта во Атина.
Грчкиот парламент се распушти и ги закажа предвремените парламентарни избори за 25-ти јануари, на коишто, според анкетите, би победила опозициската Сириза. Досега владејачката коалиција составена од конзервативците од Нова демократија и социјалистите од Пасок, малку е веројатно дека ќе може и заедно да осигури мнозинство во парламентот, особено што втората е пред распад и со длабоко нарушена доверба кај избирачите.
Алескис Ципрас најавува дека сака да стави крај на политиката на строго штедење која на Грција ѝ ја наметнаа странските кредитори, „тројката“ – Европската унија, Европската центрана банка (ЕСВ) и Меѓународниот монетарен фонд (ММФ) во замена за заемот од 240 милијарди евра од кои над 110 милијарди се отпишани долгови, од вкупниот долг од над 370 милијарди евра, што ја спаси Грција од банкрот и од излегување од еврозоната, што пред неколку години можеше да го проблематизира и членството во ЕУ. Ципрас, исто така, сака да испреговара ново реструктурирање на јавниот долг на земјата кој секогаш претставува тежок тег за грчката економија.
На прашањето на агенцијата AFP, ниту кабинетот на канцеларката, ниту министерството за финансии во неделата ни го потврдија ни го демантираа пишувањето на Spiegel.
Германските медиуми, пак, во своите коментари во неделата оценуваат дека и канцеларката Меркел и министерот Шојбле всушност вршат притисок врз грчките гласачи или врз самиот Ципрас. „Со такво сценарио на закани (…) владата индиректно се меша во грчката предизборна кампања. Тоа е крајно опасно и погрешно“, пишува во неделата дневниот весник Die Welt, близок на конзервативците на Меркел.
Незадоволство има и меѓу коалицискиот партнер во широката владина коалиција на Германија, социјалдемократите од SPD, па дури и меѓу конзервативците на Меркел. Така еден од челниците на сестринската Христијанско-демократска унија (CDU), Кристијан Баумлер предупреди во неделата дека „доколку Грција излезе од еврозоната, грчките долгови не би можеле да се наплатат и Германија би поднела голем дел од тој товар“.
Социјалдемократите сметаат дека станува збор за голема грешка на CDU, бидејќи предлогот го изнел без консултации и договор со SPD. Радикалната германска левица (Die Linek) смета дека станува збор за „јавна уцена со коишто се сака да се дестабилизира Грција пред изборите“ Die Welt пишува дека „грчките политички елити би можеле заканата на канцеларката Меркел да ја доживеат како обичен блеф и да го засилат притисокот врз европските доверители“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.