Свет
Во Ставропол најден автомобил бомба со 10 кгр тротил
Според првичните податоци, околу 10 килограми тротил се наоѓале во автомобил паркиран пред кафе-ресторан во Ставропол град на немирниот Северн Каваказ, јавуваат руските агенции повикувајќи се на извори од градската полициска управа
„Тешко е да се каже точно моќноста на експлозивниот материјал, но станува збор за десет килограми тротил“, рекол соговорникот на РИА Новости.Тринитротротуолот или тротил (ТНТ) е најраспространетиот бризантен експлозивен материјал. Има жолтеникава кристална структура со точка на топење на 80,35 степени Целзиусови (се топи во многу топла вода). Смртоносното дејство на еден килограм ТНТ е на повеќе од еден до три метра растојание а предизвикува смртоносни повреди но најчести се полесни повреди и до 11 метри оддалеченост од местото на експлозијата . Од утрово припадници на специјалните единици за деминирање го блокирале местото каде што бил паркиран автомобилот и работат на отстранување на експлозивот од кој дел е веќе отстранет, пренесува агенцијата Интерфакс во чија информација се додава дека во времето кога е откриен сомнителнито автомобил кафе-ресторанот бил преполн со гости а во близина поради опасност од експлозија биле евакуирани две згради и две училишта.Покрај тоа била спроведено и пребарување на гасоводните инсталации во центарот на градот и рпевентивно бил исклучен додтокот на глас за домаќинствата. Автомобилот полн со експлозив бил најден во Ставропол, во четврток наутро. ИТАР-ТАСС напоменува дека на местото каде бил откриен автомобилот бомба пред локалот „Глорија“ во центарот на градот се наоѓаат централите на трите најголеми такси-компании во Ставропол, но нема потврда дали експлозивот е пронајден во такси возило.Во мај годинава на сличен начин недалеку од истото место беше изведен терористички акт во кој загинаа шест а беа ранети 43 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.