Свет
Во Ставропол најден автомобил бомба со 10 килограми тротил
Според првичните податоци, околу 10 килограми тротил се наоѓале во автомобил паркиран пред кафе-ресторан во Ставропол на немирниот Северен Кавказ, јавуваат руските агенции повикувајќи се на извори од градската полициска управа.
Според првичните податоци, околу 10 килограми тротил се наоѓале во автомобил паркиран пред кафе-ресторан во Ставропол на немирниот Северен Кавказ, јавуваат руските агенции повикувајќи се на извори од градската полициска управа. „Тешко е да се каже точно колкава е моќноста на експлозивниот материјал, но станува збор за десет килограми тротил“, рекол соговорникот на РИА Новости. Од утрово припадници на специјалните единици за деминирање го блокирале местото каде што бил паркиран автомобилот и работат на отстранување на експлозивот од кој дел е веќе отстранет, пренесува агенцијата Интерфакс во чија информација се додава дека во времето кога е откриен сомнителниот автомобил кафе-ресторанот бил преполн со гости, а во близина поради опасност од експлозија биле евакуирани две згради и две училишта. Покрај тоа било спроведено и пребарување на гасоводните инсталации во центарот на градот и превентивно бил исклучен дотокот на гас за домаќинствата. Автомобилот полн со експлозив бил најден во Ставропол, утринава. ИТАР-ТАСС напоменува дека на местото каде бил откриен автомобилот бомба пред локалот „Глорија“ во центарот на градот се наоѓаат централите на трите најголеми такси-компании во Ставропол, но нема потврда дали експлозивот е пронајден во такси возило.Во мај годинава на сличен начин недалеку од истото место беше изведен терористички акт во кој загинаа шест а беа ранети 43 лица. Инаку еден килограм тринитротолуол или тротил (ТНТ) е најраспространетиот бризантен експлозивен материјал. Има жолтеникава кристална структура со точка на топење на 80,35 ° C (се топи во многу топла вода). Разорното дејство на еден килограм ТНТ е на повеќе од еден до три метри растојание, а предизвикува смртоносни повреди, но најчести се полесните повреди и до 11 метри оддалеченост од местото на експлозијата . /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.