Македонија
„Еколог" под истрага на НАТО за шверц
Компанијата „Еколог“ од Тетово, која врши логистички услуги за ИСАФ во Авганистан, е под истрага на НАТО за шверц, објави радио – телевизија НДР.
Компанијата „Еколог“ од Тетово, која врши логистички услуги за ИСАФ во Авганистан, е под истрага на НАТО за шверц, објави радио – телевизија НДР.
Првиот човек на Командата на НАТО во Брунсум, како што пренесува Дојче Веле на македонски јазик, германскиот генерал Егон Рамс за НДР, потврди дека се води истрага за можни илегални активности на компанијата.
Според информациите со кои располагам во моментов, заинтересиран сум да утврдам дали компанијата ’Еколог’ можеби ги користи договорите кои ги има со нас за илегални активности кои не можат да бидат во интерес на НАТО, ниту во интерес на ИСАФ, а ни на земјите кои учествуваат во таа мисија. Според она што ми е познато постојат сомнежи за шверц со дрога и тоа ќе го истражам“, изјавил генералот Рамс.
Основа за истрагата биле сознанијата на германската тајна служба во рамките на КФОР се говорело за „постоење на клан со тежиште кон организираниот криминал“.
Во извештајот на тајната служба се наведува и дека семејството Дестани, кое е сопственик на компанијата „Еколог“ ги контролира криминалните активности и шверцот во пограничниот дел меѓу Македонија и Косово. /крај/дв/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.