Македонија
Македонија 83-та според Индексот на светскиот мир
Македонија е на 83-то место од 149 држави според Индексот на светскиот мир (ГПИ) за 2010 година.Во извештајот, што го објавува Институтот за економија и мир врз основа на 23 критериуми, за Македонија се наведува дека почитувањето на човековите права е подобрено
Македонија е на 83-то место од 149 држави според Индексот на светскиот мир (ГПИ) за 2010 година.
Во извештајот, што го објавува Институтот за економија и мир врз основа на 23 критериуми, за Македонија се наведува дека почитувањето на човековите права е подобрено, но насилниот криминал и лесниот пристап до оружје ја спречуваат земјата да постигне повисок степен на мир.
Резултатот на Македонија од 2,5 на скала од 0 (најдобро) до 5 (најлошо), како што се наведува, е влошен поради промената во индикаторот што се однесува на вкупниот број на тешко оружје по глава на жител.
Според Индексот, глобалниот мир се влошува втора година по ред. Како што расте глобалната гриза, така податоците покажуваат интензивирање на конфликти и растечка нестабилност, која започна кон крајот на 2008 година, со неколку држави, кои се соочија со раст на убиства, насилни демонстрации и страв од криминал.
Највисоко според Индексот на светскиот мир се рангирани Нов Зеланд, Исланд, Јапонија, Австрија и Норвешка, а на дното се Ирак, Сомалија, Авганистан, Судан и Пакистан.
Во рамките на регионот на Централна и Источна Европа, Македонија се наоѓа на 15-то место од 27 држави. Регионални лидери на мирот се Словенија, Чешка, Унгарија, Словачка и Полска, а најнизок индекс на мир имаат Русија, Грузија, Турција, Азербејџан и Туркменистан.
Најмирен регион во светот е Западна Европа, САД се наоѓаат на 85-то место, две места зад Македонија, поради ревидирањето на индексот за поседување на тешко оружје.
На листата најмногу назадувале Сирија, Грузија, Филипини, Русија и Кипар. /крај/гпи/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.