Европските берзански индекси во вторникот главно стагнираа, со што беше прекинато нивното повеќедневно заздравување, во претпазливото тргување и сé послабиот обем пред почетокот на неделната трговија на американските пазари по долгиот празничен викенд.

Европските берзански индекси во вторникот главно стагнираа, со што беше прекинато нивното повеќедневно заздравување, во претпазливото тргување и сé послабиот обем пред почетокот на неделната трговија на американските пазари по долгиот празничен викенд. Лондонскиот Ftse индекс во ваква атмосфера остана речиси непроменет на 6.017 бодови, а стагнираше и франкфуртскиот индекс DAX на 7.442 бода. Парискиот индекс CAC се намали за 0,5 отсто на 3.982 бода.Загриженоста околу грчката должника криза и стопанското стагнирање во Кина се причината за поголемата претпазливост на вложувачите кој поради тоа се држеа на страна пред најновото опоравување на берзите, толкува Џејкоб де Туш-Лек, управник во Artemis Global Income Fund.Фредерик Небранд, глобален челник на одделот за дистрибуција на имотот во HSBC, вели дека и натаму е претпазлив, особено поради должничката криза во регионот и другите неповолни движења, па опоравувањето го смета пред сé последица од олеснувањето. „И натаму сум релативно претпазлив. Водечките показатели се послаби, цените на акциите не се толку поттикнувачки, не се веќе како своевидни тампон зони, а сведоци сме и на намалувањето на добивката, и така со ред“, вели Нербранд.Од ретките добитници се истакнува вториот најголем синџир за малопродажба Carrefour, со раст на цените на акциите за 3,9 отсто. Губитниците во рударскиот сектор ги спречија поголемите добивки. Во европскиот сектор на базични суровини, просечниот пад на цените на акциите изнесуваше околу 0,4 отсто, по што цените на металите паднаа под влијанието на јакнењето на доларот. Полошите податоци од секторот на услугите во еврозоната исто така се причина за зголемената претпазливост на вложувачите. Имено, индексот за управување со набавките (PMI) за секторот услуги во јуни покажа забавување на растот на активноста трет месец по ред, и тоа значително поголеми отколку што првично се проценуваше.„Вложувачите очекуваа дека PMI ќе биде послаб, имајќи предвид дека забавувањето на европското стопанство. Сега се поставува прашањето дали ќе продолжи со падот и во втората половина од годината, како и дали индексот на американскиот Институт за управување со набавката (ISM) ќе сугерира дека слабоста беше само привремена, предизивкана од земјотресот во Јапонија“, вели Коен де Леус, економист во KBC Securities.Индексот на Токиската берза Nikkei зајакна за 0,07 отсто на 9.972 бодови./крај/ро/хи/сн