Свет
Демонстрациите против странски компании во Перу стануваат насилни
Демонстрантите во Перу кои се обидуваат да спречат транснационална рударска компанија да започне со ископувањето на сребро во Перу ја сменија тактиката по три недели ненасилни протести и започнаа да уништуваат државен и приватен имот во планинскиот пограничен регион на Андите кон Боливија
Демонстрантите во Перу кои се обидуваат да спречат транснационална рударска компанија да започне со ископувањето на сребро во Перу ја сменија тактиката по три недели ненасилни протести и започнаа да уништуваат државен и приватен имот во планинскиот пограничен регион на Андите кон БоливијаОколу 10.000 демонстранти три недели ги блокираат патиштата на североистокот на земјата, во обид да ја убедат перуанската влада да ја повлече концесијата која и ја даде на канадската компанија Bweer Creek Mining Corp. , која планира да ископува сребро во тој регион. Патните блокади, направени од камења, блокираат околу 300 километри од пограничниот пат кој води од Перу кон Боливија, а активистите се распоредени на неколку километри, за да се осигураат дека ништо нема да помине. Поради блокадите, околу 600 камиони, од кои повеќето носат храна за извоз кон перуанските пристаништа, се заглавени на боливиската страна од границата, а други 180 камиони на перуанската страна.Локалните жители се жалат што владата не ги консултирала пред да ја даде концесијата и велат дека се свесни оти рударството многу ја загадува околината, па затоа големите компании сакаат да гио префрлат во неразвиените земји како нивната. Повеќе демонстранти, незадоволни од неуспехот на мирните демонстрации, почнаа да напаѓаат државни и приватни објекти. Во пограничниот град Пуно била нападната канцеларијата на даночната управа, при што биле запалени сите досиеја. Демонстрантите запалиле и царински склад во кој имало најмалку 20 возила, а пожарникарите одбиле да го гасат пожарот без полициска заштита. Полицијата, пак, вели дека директно од престолнината Лима добила наредба да се воздржи од какви и да е акции. Во целиот регион се затворени сите компании во страв од протестите, како и пазарите и училиштата..Од канадската компанија, пак, велат дека проектот нема да го загрози блиското езеро Титикака, најголемо во Јужна Америка, а воедно ќе донесе 1.000 нови вработувања. Локалните жители, претежно припадници на домородниот народ Ајмара, не се задоволни од ветувањата.Миатиот месец, владата во Лима беше присилена да прекине рударски проект во регионот Тиа Мариа за вадење на бакар, откако во судирите со полицијата загинаа тројца демонстранти.Странските компании најавија инвестиции во рударството во Перу во висина од 40 милијарди евра во наредната деценија. Перу е еден од најголемите извозници на злато, сребро и бакар, а рударството носи 68 проценти од приходите на земјата од извозот. /крај/aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.
Свет
Во Мексико пронајдени телата на исчезнатите туристи, биле најдени на дното во бунар
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.