Свет
Над 26 лица убиени во битката за либискиот град Аџдабија
Во битката меѓу либиските востаници и владините сили во стратешки важниот град Аџдабија на исток од земјата, загинале најмалку 26 луѓе, јави денеска „Франс прес“ (France Presse), повикувајќи се на главниот доктор од градската болница Абделкарим Мохамед.
Во битката меѓу либиските востаници и владините сили во стратешки важниот град Аџдабија на исток од земјата, загинале најмалку 26 луѓе, јави денеска „Франс прес“ (France Presse), повикувајќи се на главниот доктор од градската болница Абделкарим Мохамед. „Вчера по жестоките битки, во болницата беа донесени 22 загинати, речиси сите од нив цивили … Денеска, од периферијата на Аџдабија каде што продолжија судирите, во болницата беа донесени четири тела“, изјавил др. Абделкарим Мохамед за агенцијата. Според него, при бомбардирањето на градот шрапнели од бомбите паѓаат врз автомобили и домови. Луѓето во градот се засолнуваат во своите домови, а животот во Аџдабија е сосема парализиран. Либиските сили лојални на Гадафи синоќа ја повратија контролата над Аџдабија, клучен град на околу 160 километри од главното упориште на опозицијата Бенгази.Армијата при влегувањето во градот преку мегафони ги повикувала жителите да останат мирни, а бунтовниците да го положат оружјето. Сведоци велат дека пред навлегувањето на војската, авијацијата извршила најмалку четири напади врз позициите на бунтовниците во градот.Градот лежи на раскрсница меѓу Бенгази и пристаништето Тобрук во близина на египетската граница, со што армијата е во можност да ги опколи бунтовниците и да им ја пресече комуникацијата.Од друга страна, телевизијата „Ал Џазира“ (Al Jazeera) јавува дека бунтовниците сè уште го држат градот и пружаат отпор. Бунтовниците, исто така, тврдат дека еден нивни авион „МиГ 23“ и еден хеликоптер нападнале и потопиле два брода на либиската морнарица во близина на Аџдабија.Неколку илјади луѓе до сега загинаа во немирите во Либија, кои започнаа кон средината на февруари и чија цел е да се сруши од власта полковникот Гадафи, кој со земјата владее 42 години. Силите лојални на Гадафи во текот на изминатава недела покренаа офанзива со која ја вратија контролата врз повеќе градови на истокот и на западот на земјата, кои беа во рацете на бунтовниците./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.