Политика
СДСМ: За партиски интереси ВМРО-ДПМНЕ го блокира решавањето на проблемите
СДСМ во сабота јавно ја повика градската власт предводена од ВМРО-ДПНЕ веднаш да свика вонредна седница на Советот на Скопје најдоцна до недела, како и владата да почне да ги решава проблемите со поплавите
„Веќе подолг временски период граѓаните на Република Македонија ги чувствуваат последиците од неспособната и лажна политика на Никола Груевски. Тоа се однесува на поплавите на повеќе места низ Републиката, за кои очигледно Владата ветуваше, но не стори ништо да ги спречи.“, рече денеска Александар Наумоски, член на советот на Град Скопјеод редовите на опозицискиот СДСМ Според него, ваков бил случајот со излевањето на Охридското Езеро, со излевањето на неисчистените канали во Пелагонија, неколкуте излевања на Вардар во Полог, излевањето на Злетовската река, а таквата ситуација се повторила и во општината Сарај каде се излеа Вардар. „Граѓаните се отсечени веќе неколку денови бидејќи не сообраќа градскиот автобус до село Рашче. Мештаните се принудени со своите автомобили да вртат преку алтернативни патишта и да поминуваат повеќе од 11 киломметри за да стигнат до Скопје. ’, нагласи Наумоски.Тој предупреди дека последиците можат да бидат потешки, имајќи предвид дека заради излевањата на локалниот пат, не може да пристапат медицински возила во случај на итна потреба.„Дека последиците не се само изолирани на општината Сарај и нејзините населени места, говори и ризикот за можно загадување на изворот Рашче доколку не се повлече водата и дополнително надојдат нови врнежи, со што би се довело во прашање и водоснабдувањето на целиот град. Опасност заради нерегулираното речно корито на Вардар да настане поплава постои и во населбата Дексион – Ѓорче Петров.“, рече Наумоски кој смета дека надлежните органи на градот Скопје се однесуваат игнорантски и арогантно кон проблемот на жителите, одлучувајќи да не преземат ништо.Наумоски соопшти дека советничката група на СДСМ во градот Скопје, во петокот поднела барање за вонредна седница на Советот, за да се донесат заклучоци и конкретни мерки за санирање на проблемите и превенција на идни поголеми последици. „Сметаме дека наша одговорност е да ја информираме јавноста за состојбите во Рашче бидејќи ниту надлежните во Градот Скопје, ниту Центарот за управување со кризи немаат преземено ништо.“, рече советникот на СДСМ.Наумовски додаде дека „типично за ВМРО ДПМНЕ, градоначалникот Коце Трајановски и претседателката на Советот Ирена Мишева не ја свикаа вонредната седница за денес како што побаравме. Тие заради тесно партиските интереси повторно ја блокираа работата на Советот на Град Скопје одбивајќи го нашиот предлог да се разгледа и реши проблемот кој може да предизвика тешки последици за граѓаните на Скопје.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.
Македонија
Димитриевски од Куманово упати порака до „загржените“: Ние не менуваме страни, ние едноставно за разлика од сите нив имаме став
Преседателот на Движењето ЗНАМ – За наша Македонија, Максим Димитриевски денеска, заедно со носителот на листата на кандидати за пратеници во ИЕ 2, Даниел Стојчевски и останатите кандидати имаше средби со граѓаните во Куманово.
Во изјавата за медиумите Димитриевски упати неколку прашања до поранешниот премиер Ковачевски и, како што рече, луѓето коишто ја узурпирале социјалдемократијата во Македонија.
„Сакам да го прашам Ковачевски каде беше додека режимот на Груевски ја газеше Македонија, додека пратеници беа исфрлани од Собрание, додека луѓе маршираа по улици и се бореа за демократија и праведно општество? Каде беше Ковачевски кога крвави излеговме од Собрание? Дали беше во друштво на Мијалков и Груевски во свечената ложа на Македонската филхармонија и уживаше во концертите? Дали тогаш беше вистински социјалдемократ, како што денеска глуми загрижен
социјаладемократ? Воедно да го прашам дали таа социјалдемократија за којашто тој се бори е всушност истата којашто се откажа од Гоце Делчев, ги избриша АСНОМ-ските повелби од Уставот на Македонија, дополнително ги прогласи за админстратори, а не за бугарски окупатори. Учествуваше во менувањето на македонската историја и погубното потпишување на меѓудржавни договори со коишто се нанесе долгорочно зло на Македонија и на следните генерации“. Димитриевски истакна дека патот на ЗНАМ е јасен.
„Ние продолжуваме заедно со граѓаните напред. Нашата цел е да бидеме со граѓаните и без рзлика кој со каква иделогија
е да ги застапуваме соодветно во идниот парламентарен состав. Повеќе од убеден сум дека витинските социјалдемократи денеска се во ЗНАМ. Ние не менуваме страни, ние едноставно за разлика од сите нив имаме став. А тие решија да ја уништат социјалдемократијата во целост грижејќи се за сопствените функции и позиции со тоа што се ставија самите себе си на
добитни места на пратеничките листи, кои се всушност листи за обезбедување на имунитет на сите оние коишто учествуваа во тешки кривични дела во државата за коишто треба да сносат одговорност, а воедно со тоа даваат еден лош пример на реалните социјалдемократи“.
Тој ги повика сите социјалдемократи, сите слободоумни граѓани да дојдат и да се приклучат во ЗНАМ.
„Во ЗНАМ има место за сите. ЗНАМ е граѓанска партија којашто не прави разлика помеѓу граѓаните ниту на верска, ниту на етничка,ниту на било која друга основа. ЗНАМ е место за сите, мместо кадешто сите Македонци и сите останати граѓани на Македоннија можат да се обединат“, рече Димитриевски и упати честитка за претстојниот празник.
„Во оваа прилика сакам да им го честитам претстојниот празник на сите христијани од православна исповед и да посакам здравје и среќа. Воедно ве повикувам заедно да се бориме против црно-сивиот свет којшто е изграден во овие изминати 33 години“, рече Димитриевски во изјавата за медиумите денеска во Куманово.