Македонија
Скандалот за диригентот Плетнев го предизвикал “жолтиот печат“
Диригентот Михаил Василевич Плетнев, заедно со членовите на Рускиот национален оркестар се очекува да пристигне во петок и да го отвори фестивалот Охридско лето”, велат од Министерството за култура.
Диригентот Михаил Василевич Плетнев, заедно со членовите на Рускиот национален оркестар се очекува да пристигне во петок и да го отвори фестивалот Охридско лето”, велат од Министерството за култура.
„Неговото доаѓање во Охрид не е откажано. Контактиравме со надлежните во Рускиот национален оркестар, но и со Руската амбасада во Тајланд. Од таму ни е кажано дека станува збор за недоразбирање, предизвикано од страна на жолтиот печат и дека не се точни информациите дека Плетнев е уапсен поради обвинение за злоставување на малолетник” вeлaт од министерството.
Според нашите информации, велат од Министерството за култура и дирекцијата на фестивалот Охридско лето, диригентот бил повикан само на информативен разговор во тајландската полиција.
Од таму, не дадоа конкретно објаснување- што ќе се случи доколку познатиот диригент, во петок, не пристигне во Охрид.
Истовремено, светските познати медиуми како што се BBC, Roiters и CNN утринава ја објавија информацијата дека основачот на Рускиот национален оркестар, славниот пијанист и добитник на престижната награда Еми, Михаил Василевич Плетнев, е уапсен во Тајланд под обвинение дека силувал 14-годишно момче.
Како што наведуваат овие медиуми, рускиот композитор е уапсен по дојава на Тајланѓанец, а како дополнителен доказ, полицијата пронашла и фотографии од Плетнев и други момчиња во компромитирачки пози. Момчето се согласило да сведочи против композиторот, на кој му се заканува казна затвор од 20 години.
Како што е познато, јубилејното 50- то издание на Фестивалот Охридско лето е предвидено да започне со концертот на Рускиот национален оркестар, а под диригентска палка на Михаил Плетнев од Русија. Солист ќе биде познатиот македонски пијанист Симон Трпчески./крај/охридњус
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.