Спорт
МОК ги претстави спортистите кои ќе учествуваат на светските првенства
Спортските федерации во кајак на диви води, борење и триатлон, следниот викенд со свои преставници ќе учествуваат на светските првенства
Спортистите кои ќе учествуваат на мундијалите денес беа претставени во просториите на Македонскиот олимписки комитет – МОК.Најдобриот македонски триатлонец, Стојан Поповски, од 9-12 септември ќе учествува на СП во Будимпешта. Во конкуренција на 112 натпреварувачи, тој очекува пласман во првата половина.„Имав добри подготовки, зад мене се две државни првенства на кои ја темпирав формата. Очекувам пласман во првата половина, а ќе се обидам да изборам пласман меѓу најдобрите 30“, рече Поповски, кого по СП, на 17 септември го очекува настап на Балканскиот куп.Кајакот на диви води е единствениот спорт, во кој Македонија од осамостојувањето на сите Олимписки игри имала преставник. Кајакарите на диви води, во дисциплината слалом, во периодот од 9 до 12 септември во Љубљана ќе бидат дел СП. Атанас Николовски и најдобриот македонски јуниор Игор Стефановски ќе бидат дел од планетарната елита.Борачите, Дејан Митров, Дејан Богданов и Александар Георгиев ќе учествуваат на СП, чии домаќин ќе биде Москва. Квалитетните шестнеделни подготовки, ја креваат самодовербата кај борачите, дека во Русија можат да постигнат забележителни резултати.На борилиштето во Москва први, на 11 септември ќе се појават Богданов во категоријата до 84 килограми и Георгиев, кој ќе настапи во категоријата до 96 килограми. Ден подоцна, во категоријата до 66 килограми, својот настап на СП ќе го има Дејан Митров.„Ги познавам противниците кои доаѓаат од Европа, благодарение на условите кои ги имавме во подготвителниот период, се наоѓам во добра форма. Се надевам дека на ова СП можеме да освоиме барем еден медал“, вели Митров.Финансискиот дел од подготовките, транспортот и сместувањето на шестмината спортисти, кои патуваат за Будимпешта, Љубљана и Москва, го обезбеди Македонскиот олимписки комитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аморим детектирал еден проблем, сака да донесе лев вингер
Рубен Аморим призна дека го чека тешка работа, дека играчите ќе работат напорно, а навивачите ќе чекаат додека Јунајтед не почне да изгледа како што тој го замислува.
Рубен Аморим нема да отстапи од својата идеја да игра во формација 3-4-3, но за тоа му требаат врвни крилни бекови. Се чини дека Нусаир Мазрауи ја доби неговата доверба и може да биде идеално решение за десната страна, додека некако никој не верува дека Лук Шо е способен сам да ја покрие целата лева страна.
„Скај Спорт“, истакнува дека Алфонсо Дејвис и Тео Ернандез се на листата на желби на Аморим.
Дејвис на лето ќе стане слободен играч, бидејќи неговиот договор со Баерн Минхен истекува и нема да потпише нов. Сепак, проблемот е што негов сон е Реал Мадрид и што Флорентино Перез подолго време е во контакт и преговара со претставниците на Дејвис. Исто така, според шпанските медиуми во трката сака да се вклучи и Барселона, на чија клупа седи поранешниот тренер на Дејвис, Ханси Флик.
Втората опција е Тео Хернандез. Капитенот на Милан има договор со клбот до летото 2026 година. Не е тајна дека Милан сака да му го продолжи договорот на Тео, но се уште не е јасно дали истата желба ја има и францускиот репрезентативец.
Спорт
Еге Хареиде го напушти Исланд
Искусниот норвешки фудбалски стручњак Еге Хареиде поднесе оставка од селекторската функција на Исланд и со тоа стави крај на својата тренерска кариера.
„Уживав како селектор на исландската репрезентација, но мислам дека сега е вистинското време да се повлечам“, изјави Хареиде, како што беше објавено на веб-страницата на Фудбалскиот сојуз на Исланд.
Хареиде (71) ја донесе репрезентацијата на Исланд, чиј селектор стана во април минатата година, блиску до пласман на ЕП во Германија, но загуби од Украина во финалето на плеј-офот.
Репрезентацијата на Исланд има двомеч за опстанок во Б дивизијата од Лигата на нации, во март наредната година против Косово.
Исланд ќе биде во третиот шешир на ждрепката за европските квалификации за СП 2026 година што ќе се одржи на 13 декември.
Како селектор на Данска, Хереиде стигна до осминафиналето на Светското првенство во 2018 година, во кое неговата репрезентација по изведувањето на пенали беше елиминирана од Хрватска.
Спорт
„Познат играч на Милан претепа девојка, имаме видео“
Масимо Гилети е едно од најпознатите ТВ-лица во Италија, често бил вклучен во разоткривање на многу скандали, па дури и мафијашки.
Тој е и голем навивач на Јувентус, а сега излезе во јавноста со информација дека „познат фудбалер на Милан претепал девојка“.
Гилети го изјави ова, ни помалку ни повеќе, туку директно во телевизиската програма Раи 3.
„Познат играч на Милан претепа девојка, имаме видео“, изјави Жилети.
Наводно, инцидентот се случил во приватен дел од познат ноќен клуб во Милано, каде парот се дружел со пријателите.
Како што истакнува Гилети, на видеото јасно се гледа како се уште неименуваниот играч на Милан ја соборува девојката на земја, а потоа ја крева од подот и ја удира.
„Видеото е испратено до нашиот уреднички тим, нема сомнеж кој е на видеото, не можете да ставате црвена боја на лицето (италијанските фудбалери секоја година го истакнуваат проблемот со насилството врз жените) и да правите вакви работи. Тоа значи дека не сте дел од овој систем“, истакна Гилети и подвлече:
„Тоа се многу сериозни снимки и решивме засега да не ги објавуваме. Ќе продолжиме да се занимаваме со овој случај“.