Свет
Лагард бара дијалог со возрасни, Варуфакис предупредува на несреќа
Извршната директорка на Меѓународниот монетарен фонд (ММФ), Кристин Лагард, изјави во четвртокот навечер по неуспешниот состанок на Еврогрупата за Грција во Лускембург дека е неопходен дијалог со „возрасни личности“, додека грчкиот министер за финансии Јанис Варуфакис предупреди дека „несреќата“ поради грчкиот долг „опасно блиску“.
„Не недостига дијалог. Итно е потребно да се воспостави дијалог со возрасните во салата. Очекувам дека грчката влада ќе ги искористи овие денови и ќе дојде со опипливи мерки,“, изјави шефицата на ММФ, Кристин Лагарда по состанокот на министрите за финансии на земјите од еврозоната кој заврши без никаков договор за Грција. Истакна притоа дека на Грција „тимовите на ММФ ѝ стојат на располагање и дење и ноќе“.
На засебната конференција за медиумите, грчкиот министер за финансии Јанис Варуфакис коментирајќи ја забелешката на Лагард рече дека се „обврзал дека нема потценувачки да коментира никој од колегите“.
„Опасни блиску сме до состојбата на духот во кој ја прифаќаме несреќата. Ги замолив колегите да не го прифаќаат таквиот начин на размислување“, рече Варуфакис по средбата на којашто не е постигнат напредок, со што уште повеќе ослабуваат надежите за постигнување договор за да се спречи Грција до крајот на јуни да не може да ги сервисира своите долгови.
Според Варуфакис, Грција во четвртокот подготвила решение на должничката криза, кој, доколку биде одобрен ќе стави крај на долгогодишната криза. „Тоа е исцрпен предлог кој овозможува, доколку биде усвоен, за кусо време да биде надмината кризата во Грција еднаш и засекогаш. Тој вклучува и механизам за автоматско ограничување на буџетскиот дефицит“, рече грчкиот министер за финансии.
Варуфакис тврди дека постои несогласување само околу расходите во висина од 0,5 отсто од грчкиот бруто домашен производ (БДП). „Кога станува збор за фискалната страна, во разговорите дојдовме блиску, во рамките на 0,5 отсто од БДП-то, од она што институциите го бараа“, рече.
Меѓутоа, другите учесници на состанокот истакнуваат дека Грците немале никакво пишан предлог, туку Варуфакис само усно изнел некои идеи. „Чекаме веродостоен предлог од грчка страна, кој денеска го немаше“, изјави европскиот за економски и финансиски работи, Пјер Московиси.„Подготвени сме на секоја можност, па и на неможноста за плаќање“, што може да претставува вовед во излегувањето на Грција од еврозоната“, призна Јероен Дијселблом, претседател на Еврогрупата. Ја повика Грција уште следните неколку денови да излезе со „веродостојни предлози“, за „да ја искористи последната можност“ за договор со доверителите.
Грција и нејзините доверители, Европската комисија, Европската централна банка и Меѓународниот монетарен фонд, се многу блиску до конечно разидување и на вонредниот самит на еврозоната во понеделник во Брисел ќе се обидат да го спречат најлошото сценарио за земјата којашто поради може да остане без можноста да ги сервисира своите долгови.
„Нема договор во Еврогрупата, Тоа е силен сигнал за Грција сериозно да се вклучи во преговорите“, порача во пораката на Twitter потпретседателот на Европската комисија задолжен за еврото и социјален дијалог, Валдис Домбровкис.
Грција до 30-ти јуни мора да врати 1,6 милијарди евра долг по четирите месечни рати од кредитот од Меѓународниот монетарен фонд, и дополнителни 6,7 милијарди евра треба да ѝ врати на Европската централна банка во јули и август, и нема да има доволно пари да ги запази таквите рокови, доколку не воведе нови кастрења, во прв ред на платите и пензиите. Атина смета на исплатата на запрената транша од 7,2 милијарди евра од сегашниот втор пакет странска финансиска помош, од вкупната помош од 240 милијарди евра. Меѓутоа, нејзините доверители ја условуваат исплатата на оваа сума со програма на реформи за кој двете страни досега не успеаја да се договорат.
И додека трае неизвесноста околу исходот на драматичната криза, Грците само од понеделникот од банкоматите подигнаа 1,5 милијарди евра. Во четвртокот, пак, за време на состанокот на Еврогрупата пред грчкиот парламент се собраа неколку илјади луѓе кои ги поддржуваат барањата на доверителите и сакаат нивната земја да остане во еврозоната./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.