Свет
ЕСМ не ги дава менаџерските договори, на увид е само статутот
Државната комисија за спречување на корупцијата се уште чека „Електростопанство на Македонија“ да и ги достави на увид менаџерските договори што најтесното раководство на таа компанија неодамна ги потпишало со Владата.
Државната комисија за спречување на корупцијата се уште чека „Електростопанство на Македонија“ да и ги достави на увид менаџерските договори што најтесното раководство на таа компанија неодамна ги потпишало со Владата. Според тамошни извори, наместо примероци од договорите, до вчера како одговор го добиле само статутот на компанијата.
Вака, велат упатените, од компанијата се обидуваат да докажат дека тоа што го потпишало раководството со Владата треба да остане тајна. Членовите на комисијата не го коментираат потегот на ЕСМ, но неофицијално најавуваат дека на денешната редовна седница ќе ги разгледуваат материјалите што веќе ги собрале.
Таму пред една седмица го отворија случајот затоа што им бил чуден ставот на ЕСМ дека таму платите се строга деловна тајна, а станува збор за акционерско друштво во стопроцентна сопственост на државата, кое Владата го подготвува за приватизација.
Ова тело побара одговор и од Владата за тоа според која основа и на кој начин ги склучиле овие договори и што е предвидено во нив во случај на разрешување на некој од менаџерите.
Владата уште молчи, а експерти што работеа на Законот за трговски друштва тврдат дека заштитните клаузули се сосема нормална практика во менаџерските договори.
Заштитата во акционерските друштва, како што објаснуваат тие, е парична, а на секој менаџер што ќе биде разрешен од работодавецот ќе мора да му се исплати отштета. Во некои акционерски друштва овие суми можеле да достигнат и до неколку милиони евра.
Според професори од Економскиот и од Правниот факултет, нема ништо незаконско во потпишувањето на менаџерските договори, но тие сметаат дека клаузулата што го обврзува сопственикот да плаќа огромни суми може само да ја намали вредноста на ЕСМ при евентуалната продажба. И од невладината организација „Транспарентност-Македонија“ сметаат дека менаџерските договори што раководството на ЕСМ ги склучило со Владата не треба да останат деловна тајна.М. К.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.