Цените на акциите на Волстрит паѓаат трет ден по ред, затоа што инвеститорите се плашат од продлабочување на европската должничка криза, а продолжува и бегството од еврото, поради што курсот на валутата падна на најниско ниво во изминатава година.

Цените на акциите на Волстрит паѓаат трет ден по ред, затоа што инвеститорите се плашат од продлабочување на европската должничка криза, а продолжува и бегството од еврото, поради што курсот на валутата падна на најниско ниво во изминатава година.

Индексот Dow Jones ослабе 1,10 проценти, на 11.823 бодови, S&P 500 падна за 1,13 проценти на 1.211 бодови, а Nasdaq за 1,55 проценти, на 2.539 бодови.

Инвеститорите беа присилени на продажба на акциите и на останатите ризични инвестиции од растот на приносот на италијанските државни обврзници на ново рекордно ниво од воведувањето на еврото. На вчерашната аукција приносите од петгодишните обврзници достигнаа 6,47 проценти, додека во ноември изнесуваа 6,3 проценти.

„Главна тема на пазарот е целосниот, апсолутен неуспех на Европската унија да договори какво и да е решение за должничката криза. Таму сме од каде што тргнавме. Трошоците за задолжување на членките на еврозоната и понатаму ќе растат, а заради тоа под притисок ќе биде и пазарот на акции“, вели Џефри Сика, претседател на фондот SICA Wealth Management.

Заради продлабочувањето на должничката криза, вчера потона и курсот на еврото кое го достигна најниското ниво во изминативе 11 месеци, под 1,30 долари.

„Европските должнички проблеми не се решени, па се поставува прашањето зошто инвеститорите би го купувале еврото? Проблемот е во тоа што никој не знае како ќе заврши сето ова, вклучувајќи ги и политичарите“, вели Ричард Симпсон, директор во фирмата Action Economics.

Иако стопанството на САД е со стабилен раст, инвеститорите се уште се под впечатокот на предупредувањето на американската Централна банка Federal Reserves (Фед), која во вторникот порача дека нестабилноста на пазарите претставува голем ризик за стопанството.

Згора на тоа, додаваат аналитичарите, на еврозоната и се заканува нова рецесија, додека растот на останатите светски водечки стопанства се забавува. Забавувањето на растот би можело да предизвика послаба побарувачка, па вчера остар пад доживеаја и цените на суровините.

Терминската цена на нафтата потоа за цели пет проценти, на 95 долари за барел. Заради тоа голем пад имаа и цените на акциите на нафтените компании, па индексот на S&P за енергетскиот сектор падна за речиси три проценти.

И на европските берзи цените на акциите паѓаа во средата. Лондонскиот FTSE ослабе за 2,25 проценти, на 5.366 бодови, додека франкфуртскиот DAX падна за 1,72 проценти, на 5.675 бодови, а парискиот CAC за 3,33 проценти, на 2.976 бодови. /крај/хина/сс/