Министерот за надворешни работи Антонио Милошоски, во вторник и среда ќе учествува на 17-тиот Состанок на Министерскиот совет на ОБСЕ, што ќе се одржи во Атина. Милошоски ќе се обрати на првиот ден на Министерскиот совет, а предвидено е на маргините на овој настан да оствари и повеќе билатерални

Министерот за надворешни работи Антонио Милошоски, во вторник и среда ќе учествува на 17-тиот Состанок на Министерскиот совет на ОБСЕ, што ќе се одржи во Атина.Милошоски ќе се обрати на првиот ден на Министерскиот совет, а предвидено е на маргините на овој настан да оствари и повеќе билатерални средби, меѓу кои и со заменикот министер за надворешни работи на Грција Димитрис Друцас.На Состанокот во Атина се очекува да се утврдат приоритетите за делување во текот на следната година, а се планира и усвојување на повеќе значајни одлуки во сите три димензии на ОБСЕ – политичко-безбедносната, хуманата и економската димензија (поврзана и со заштитата на животната средина).Претседавачот со ОБСЕ и домаќин на Состанокот, Република Грција, предлага усвојување на политичка декларација, поврзана со т.н. “Крфски процес“, инициран на неформалниот министерски состанок на ОБСЕ во јуни оваа година, со цел унапредување на дијалогот и соработката меѓу земјите членки во насока на зацврстување на европските безбедносни структури и ефикасно справување со современите безбедносни предизвици. Со овој Состанок се заокружува претседавањето на Грција со ОБСЕ во 2009 година, а наредниот претседавач Казахстан, го презема претседавањето од 1 јануари 2010 година. /крај/со/ст

Фото: Филип Поповски/Макфакс