Свет
Серија експлозии на првиот ден од гласањето во Ирак
Во серија смртоносни експлозии чија цел беше раното гласање на парламентарните избори во Ирак во четврток се убиени вкупно 17 лица, што укажува на ранливост на безбедносниот систем пред важните избори во недела
Иако ирачките безбедносни сили се распоредени низ државата во целосен капацитет за да се заштитат гласачите кои треба да гласаат порано како и да се обезбеди изборниот процес на 7-ми март, денешните два самоубиствени напади покажаа дека бунтовниците можат да предизвикаат големи крвопролевања во недела. Тие и претходно најавија дека со насилство ќе го попречуваат одвивањето на парламентарните избори во недела, со цел да го одвратат населението да гласа и да покажат дека ирачките власти немаат капацитет и моќ да спроведат избори. „Терористите сакаа да ги реметат изборите по почнаа да се креваат во воздух и на улиците“, изјавил заменикот министер за внатрешни работи на Ирак, Ајдан Халид Кадер, кој е одговорен за спроведување на безбедноста при изборите. Во четврток гласаа оние кои не ќе можат тоа да го сторат во недела. Најмногу од овие гласачи беа припадници на полицијата и војската кои на денот на изборите ќе бидат ангажирани. Гласаа и затворениците, медицинските работници и пациентите во болниците.Меѓу загинатите и повредените во денешните три напада во багдадските населби најмногу се полицајци и војници кои чекале во ред пред избирачките места, кога биле нападнати од самоубијците. Во првите два напада биле ранети и 25 војници кога двајца напаѓачи кои носеле појаси со експлозив ги нападнале центрите каде што припадниците на безбедносните сили гласале.Претходно крајпатна мина во областа Хурија, северозападно од главниот гради Багдад, убила пет цивили а во нападот биле ранети уште 22. И претходно ирачките власти најавија дека очекуваат исламистичките бунтовници да го зголемат насилството во обидот да ги попречат парламентарните избори, втори откако во 2003 г. беше изведена американската инвазија врз Ирак.„Ние сме сплотени околу единството, суверенитетот и безбедноста на Ирак. Ни преостанува да ја заокружиме оваа работа“, изјави премиерот Нури ал-Малики по состанокот со племенски лидери во Багдад.Претставници на Пентагон во средата изјавија дека лошите безбедносни состојби во Ирак го забавуваат целосното повлекување на сите 96 илјади американски војници, предвидено до крајот на идната година.Аналитичарите забележуваат дека нападите се случиле и покрај строгите безбедносни мерки воведени за заштита на изборниот процес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ковчези со натпис „Француски војници во Украина“ пронајдени во близина на Ајфеловата кула
Полицијата уапси три лица откако беа пронајдени пет ковчези во близина на Ајфеловата кула во Париз, обложени со француски знамиња со натпис „Француски војници во Украина“, пренесува „АФП“.
Инцидентот се истражува како можно мешање на странска сила во француските работи, соопшти полицијата.
Вчера околу 9 часот три лица оставиле пет ковчези во близина на подножјето на Ајфеловата кула, една од најпосетуваните туристички атракции во светот. Во кутиите имало гипс, изјави за АФП извор близок до случајот.
Возачот на комбето со кое ги превезувал ковчезите, кој бил уапсен во близина, во полиција изјавил дека за тоа му биле платени 40 евра. Се претпоставува дека мажот пристигнал од Бугарија претходната вечер.
Другите двајца беа уапсени подоцна на другиот крај на градот на автобуската станица Берси каде што требаше да се качат на лет за Берлин.
Претседателот Емануел Макрон минатиот месец изјави дека прашањето за испраќање западни трупи во Украина би било легитимно доколку Русија ги пробие линиите на украинскиот фронт и Киев поднесе такво барање.
Макрон ги повтори тие тврдења неколку пати, а Кремљ ги осуди неговите изјави, нарекувајќи ги „опасни“.
Француските власти се сомневаат во руско мешање во неколку други неодамнешни инциденти, вклучително и минатиот месец кога беа испишани црвени графити на францускиот споменик на Холокаустот.
Тројца осомничени во тој случај побегнале во странство.
Франција се сомнева дека Русија стои зад уште еден инцидент, поставувањето на десетици Давидови ѕвезди на зградите во Париз и предградијата набргу по нападот на 7 октомври од милитантите на Хамас врз Израел.
Инспекторите рекоа дека некои од масовните графити, широко осудени како антисемитски, можеби биле извршени на „експресно барање“ на лице кое живее во странство, што имплицира можна поврзаност со Русија. Москва негираше дека има некаква врска со тоа.
Свет
Трамп: На Меланија и е тешко поради моето судење
Доналд Трамп изјави дека судскиот процес против него е многу тежок за неговата сопруга, поранешната прва дама Меланија Трамп, пренесува Newsweek.
Трамп стана првиот поранешен претседател на САД кој беше осуден за кривично дело кога беше прогласен за виновен во четвртокот за 34 точки од обвинението за фалсификување деловни досиеја во случај што произлегува од тајните плаќања на порно актерката Сторми Даниелс за време на претседателската кампања во 2016 година.
Тој е обвинет дека се обидел да ја прикрие веста за наводната вонбрачна сексуална врска. Трамп негираше дека имал афера со Даниелс и жестоко ја критикуваше пресудата на поротата.
Додека неколку членови на семејството на Трамп присуствуваа на судењето за да ја покажат својата поддршка, Меланија Трамп не дојде во судницата.
Во интервјуто што се емитуваше на Фокс во неделата, Трамп рече дека Меланија е добро, но дека и е многу тешко.
„Мислам дека е потешко за моето семејство отколку за мене“, рече Трамп.
„Добро е, но мислам дека и е многу тешко. Мислам, добро е. Но, знаете, таа мора да ги прочита сите овие сра*а“, додаде тој.
Инаку, извори блиски до Трамп изминативе денови зборуваа за гневот на Трамп што Меланија не му пружила јавна поддршка. Меланија не се појави на ниту едно судење во постапката против Трамп.
Свет
Пронајдени телата на двете девојки што ги однесе реката во Италија, потрагата по момчето се’ уште трае
Телата на двете девојки кои исчезнаа пред неколку дена заедно со млад човек кога ги однесе надојдената вода додека стоеја прегрнати, се пронајдени денеска околу пладне во реката Натисон во Премариакo.
Оваа информација ја потврди и градоначалникот на Премариакo, Микеле де Сабата.
Станува збор за Бјанка Дорох, 23-годишна девојка која пристигнала од Романија пред неколку дена да ги посети родителите кои живеат во Удине, но и да се состане со своето момче Кристијано Касијано Молнар (25) кое живее во Австрија; и Патриша Кормос, која утрото пред да замине на брегот го положила испитот на Академијата за ликовни уметности во Удине.
Како што пишува италијанскиот Тикали, телата на девојчињата ги пронашле припадниците на Цивилната заштита на неколку стотини метри од местото каде што ги одвлекла поројната вода.
Потрагата по Кристијано продолжува. Како што соопшти градоначалникот Де Сабата, во потрагата се вклучиле и голем број волонтери и граѓани.