Натпреварот на поранешните носители на три светски титули ќе остане запаметен само по исклучувањето на Уругваецот Лодеиро

На десет минути пред крајот Франција доби предност по непромислениот старт на 21-годишниот Лодеиро кој влезе во игра во 62. минута и успеа набрзина да заработи два жолти картона, по што стана првиот играч на Светското првенство 2010 кој предвреме го заврши натпреварот. Во вториот меч од денеска почнатото светско првенство во фудбал по воведниот натпревар меѓу Јужна Африка и Мексико кој и покрај нерешениот резултат 1:1 донесе борбен натпревар, во Кејптаун Франција и Уругвај одиграа натпревар чие особено прво полувреме брзо ќе биде заборавено. Според она што го видовме вечерва во Кејптаун, се чини дека и двајцата селектора беа импресионирани од противникот и трите бода сакаат да ги бараат  против Мексико и Јужна Африка кои претходно ремизираа 1:1.Но, бодовната изедначеност по првото коло во Групата А, најавува претпазливи мечеви во второто коло и најверојатно драматични мечеви во последното кога ќе се решаваат патниците за следната фаза од шампионат. Францускиот селектор Рејмон Доменик се обиде со внесувањето на Малуда и претходно на ветеранот Тиери Анри да го изненади Табарез, но не успеа тоа да го стори дури и со внесувањето на уште еден напаѓач Жињак во моментот кога Уругвај остана со играч помалку. Така продолжува традицијата Франција, колку и да има добар тим, првите мечеви во групите да ги игра тешко, откако со подарениот гол со рака на Анри во баражот против Ирска се квалификуваа за Јужна Африка.Првиот возбудлив момент се случи во 7. минута кога Франк Рибери одлично го послучи соиграчот од четата на „триколорите“ Гову кој од неколку метри само млако шутираше покрај голот Уругвајците во првиот дел се обидува да наметнат игра со прескокнување на центарот на теренот, но тоа не донесе резултат. Уругвајците дури во 16. минута преку Диего Форлан се закануваат, но неговиот удар од работ на шеснаесетникот го одбрани францускиот голман Лори.По две минути Французите возвраќаат преку Гонкуф шутира прецизно но уругвајскиот голман Муслера одлично брани. По ова ритамот на играта сосема опадна што придонесе за блед впечаток а публиката не може да издвои ниеден особен момент или индивидуален потег. Вториот дел почна без измени и по еден час игра можеше да се констатира дека продолжува неатрактивната игра од првиот дел. Во првите 15. минути одвај се забележаа по два удари од далечина на двете страни кои не успеаја да ги заграт голманите.