Македонија
Казните за Лирим Јакупи достигнаа 30 години затвор
Тетовскиот основен суд пресуди 15 години затвор за Лирим Јакупи Нацист и девет години за Џафер Шаља и двајцата државјани на Косово.
Тетовскиот основен суд пресуди 15 години затвор за Лирим Јакупи Нацист и девет години за Џафер Шаља и двајцата државјани на Косово. За виновни се осудени во отсуство бидејќи и двајцата се наоѓаат во бегство. Јакупи, по кого трагаат Македонија, Косово и Србија веќе има 15 години затвор за случајот Бродец од 2007г., кога полицијата разби поголема терористичка група. Пресудата во Тетово се однесува за две кривични дела : недозволено држење на оружје или распрскувачки материјали и напад врз службено лице при вршење на работи од безбедноста . Првообвинетиот Јакупи е прогласен и виновен за кривичното дело обид за убиствоВо декември 2004 години Јакупи и Шаља со поголемо количество оружје и муниција дошле во стан на улицата Илинденска во Тетово во кој под кирија живееле тројца студенти од Косово.При обидот на полицијата за нивно приведување и двајцата дале активен отпор со повеќе истрели од автоматска пушка и рачен фрлач при што еден полицаец бил потешко повреден.
Во престрелката бил погоден и еден од студентите кој подлегнал на повредите. Јакупи иако ранет успеал заедно со Шаља да избегаат на Косово.Таму се уапсени и поради повредите на Јакупи задржани во базата Бондстил од каде успеале да избегаат. По нив била распишана и меѓународна потерница.Вториот случај е од 15 септември 2004 та година. Тогаш Јакупи заедно со уште едно непознато лице со огнено оружје ја нападнале полициската патрола во скопската населба Шуто Оризари. При тоа тројца полицајци се здобиле со прострелни рани. Пиштолот кој бил употребен во нападот е пронајден меѓу запленетото оружје од акцијата во декември 2004 во Тетово. /крај/сс/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.
Македонија
Системот за видеонадзор на сообраќајниците „Безбеден град“ е поставен во Скопје, Куманово и Тетово
Министерот за внатрешни работи Панче Тошковски денес оствари работна средба на Единицата за оперативно-технички работи при Бирото за јавна безбедност во чија надлежност е системот за видеонадзор на сообраќајниците познат како “Безбеден град“.
Во рамки на посетата министерот беше запознаен со работата на оваа организациска единица, тековните активности и проблеми од делокругот на нивната работа.
„Во тој контекст беше истакнато дека во моментот ваков систем е поставен само во Скопје, Куманово и Тетово, има недостаток на покриеност на многу значајни крстосници, а голем дел од камерите и опремата која се користи во овој систем е технички застарена, а дел и неисправна. Исто така бев информиран за наградбата на системот која е во тек, а која опфаќа замена на постојните камери со нови и проширување на системот со нови камери на точки кои досега не беа покриени. Водено, во фаза на тестирање е системот за автоматско евидентирање на сообраќајни прекршоци за чие целосно ставање во функција потребно е да се направат и соодветни законски измени“, издвои министерот Тошковски од средбата и додаде:
Во иднина треба во континуитет да се инвестира во овој дел, да се прошири и во другите градови низ државата, како и да се распредели дополнителен кадар со цел оваа организациска единица да работи непречено во текот на 24 часа, бидејќи е од круцијално значење за обезбедување на поволна безбедносна состојба.