Огнено торнадо е забележано во долината Сан Фернандо во Лос Анџелес, феномен предизвикан од силните ветрови во област која веќе пет дена е загрозена од големи пожари.

Катастрофалните пожари веќе однесоа животи на најмалку 16 луѓе и уништија повеќе од 10.000 згради.

Феноменот е снимен недалеку од елитната населба Пацифик Палисадес, една од најтешко погодените од пожарите, објави Дејли Меил.

Иако денеска состојбата на терен е нешто поповолна, уште најмалку три пожари не се ставени под контрола. Најновата снимка покажува огнено торнадо кое се формира додека пламените јазици се приближуваат до долината Сан Фернандо.

Sky5 was overhead of two #FireTornados along the northern flank of the #PalisadesFire. pic.twitter.com/byBTw0Pexm

— KTLA (@KTLA) January 11, 2025

Огненото торнадо е ретка појава која се јавува кога пожар со турбулентни ветрови создава огнен вител, придружен со пепел и чад.

Владата сè уште не објави проценки за штетите, но приватните фирми проценуваат дека таа ќе се искачи на десетици милијарди долари.

Јавното здравство на округот Лос Анџелес издаде наредба за јавно здравје, во која се наведува дека пожарите „сериозно го нарушиле квалитетот на воздухот и претставуваат непосреден и долгорочен ризик за јавното здравје“.

Во Хрватска денеска се одржува вториот круг од претседателските избори.

Гласањето започна во 7 часот и ќе трае до 19 часот.

Во трката се актуелниот претседател Зоран Милановиќ, кандидат на опозициската Социјалдемократската партија СДП и Драган Приморац, кого го кандидира владејачката Хрватската демократска заедница (ХДЗ).

Во првиот изборен круг, одржан на 29 декември, Милановиќ освои 49,1% од гласовите, додека за неговиот противкандидат Приморац гласаа 19,35% од гласачите.

Хрватските гласачи, околу 3,8 милиони, ќе гласаат на 6 755 избирачки места во земјата и во странство.

Предизборните анкети предвидуваат убедлива победа на актуелниот претседател, а се очекува и поголема излезеност.

Во првиот круг на гласање излегле 46,02 отсто од гласачите запишани во избирачкиот список.

Земјотрес со јачина од 6,4 степени според Рихтеровата скала го погоди Мексико, во близина на брегот на Мичоакан.

Земјотресот се случил во 2 часот и 33 минути, по локално време, на длабочина од 91,1 километар.

❗ El sismo fue perceptible en los estados de Colima, Michoacán, Morelos, así como algunas zonas de la Ciudad de México. pic.twitter.com/sCPDUPKPTB

— Sepa Más (@Sepa_mass) January 12, 2025

Според првичните информации, земјотресот предизвикал штети на голем број објекти.

🌍🇲🇽 BREAKING: A powerful earthquake rocked Mexico City early this Sunday, jolting residents from their sleep! Stay alert and safe, as the tremors remind us of nature's might! 💥 #MexicoEarthquake #StaySafe #NaturalDisaster pic.twitter.com/CwrADJFfH4

— MiloX Viral (@MiloX_Viral) January 12, 2025

По ова, биле почувствувани уште неколку помали земјотреси.