Свет
Оманскиот муфтија против алкохол, теретани и велнес центри
Големиот муфтија, оманскиот шеик Ахмед бин Хамад ал Халили ја повика владата на Оман да го забрани алкохолот и да воведе строг надзор на теретаните и центрите за нега на здравјето во оваа муслиманска земја, пренесува денеска Асошиејтед прес.
Големиот муфтија, оманскиот шеик Ахмед бин Хамад ал Халили ја повика владата на Оман да го забрани алкохолот и да воведе строг надзор на теретаните и центрите за нега на здравјето во оваа муслиманска земја, пренесува денеска Асошиејтед прес.Ал Халили, најголемиот верски достоинственик во Оман, вчера на државната телевизија изјавил дека алкохоличарите се непродуктивни луѓе кои тонат во својот порок.Според неговите зборови, не е во интерес на владејачката династија да владее со „пијан народ“, туку со работлив народ. Ал Халили ги оцрнил и теретаните и велнес центрите како легла на пороци кои треба да се укинат или строго да се надгледуваат за да се спречат злоупотреби. Алкохолот не се продава во Оман, а може да се точи само во хотелите со четири или пет ѕвездички./крај/бл/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.