Спорт
Најдобрите македонски каратисти на силен турнир во Анкара
Најдобрите каратисти од најреномирнаите македонски карате клубови Макпетрол и Металург во средата во попладневните часови треба да заминат за турскиот главен град Анкара, каде што ќе се одржи 9-то по ред Европско регионално првенство во карате
Ова првенство има одредена специфичност по која се разликува од останатите натпревари, а тоа е што овој натпревар е исклучително само во екипна конкуренција во дисциплините борби и кати за мажи и жени. Од минатата година покрај сениорските тимови, воведена е практиката да настапуваат и состави од кадетско- јуниорските категории од регионите кои исто така се натпреваруваат само во екипна конкуренција.Имено Европската карате федерација, за ова првенство има официјализирано 88 европски региони кои имаат право да испратат екипни тимови. Македонија на картата на Европската карате федерација е преставена како еден регион и поради тоа нашите два клуба кои редовно учествуваат на ова натпреварување и годинава составија заеднички екипи со цел успешно да се престави и афирмира земјата.Селекторот Бошко Заборски, за овој натпревар се определи да им даде шанса на следните спортисти кој ќе настапат во Сениорска конкуренција: Жарко Арсовски, Огнен Груевски, Мартин Несторовски, Иво Цветковски, Стојан Тасевски, Мартин Томовски и Спасо Илиевски.За јуниорскиот тим екипно борби Македонија ќе ја преставуваат: Симон Антиќ, Никола Димитриевиќ, Емануел Ристевски, Бојан Јовановски, Виктор Крстевски, Азиз Исмаил и Крсте Мишев.Во стручниот тим се вклучени и помошникот на селекторот Мирче Јанушевски и Драган Грдановски, и двајцата од клубот Металург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.