Политика
Димовски: Македонија е единствената држава каде опозицијата бега од избори,
Очигледно Македонија е единствената држава во Европа во која опозицијата бега, плаче и моли да не се одржат избори, изјави во неделата Илија Димовски, член на Извршниот комитет на владејачката ВМРО-ДПМНЕ и ја повика Државната изборна комисија (ДИК) до крајот на денов да одржи јавна седница или работен состанок на кој би присуствувале по најмалку два члена од четирите големи политички партии, кои со својот потпис застанаа зад договорот од јуни и јули мината година.
„На оваа средба која би било добро да се одвива во живо, пред камерите и пред јавноста повикуваме во дебатата да се вклучат и заинтересираните меѓународни претставници кои го следат изборниот процес во Република Македонија. Би дискутирале околу сите ингеренции, законски обврски и можности кои ги има ДИК, нејзините потреби и можноста се да биде поставено на свое место за да нема дилеми околу изборите кои треба да се одржат на 24 април 2016 година“, рече Димовски.
„СДСМ знаат дека нивната деструктивна политика на креирање кризи нема поддршка кај народот. Затоа како што наближуваше терминот за избори, се зголемува стравот на СДСМ од соочување со граѓаните. Затоа СДСМ почна да измислува нови и нови услови за да ја држи земјава во заложништво и долготрајна криза. Ова беше видливо особено во институциите каде токму од нив зависеше реализирањето на одредени сегменти од изборниот процес. Да биде иронијата поголема, деновиве дури можевме и да прочитаме дека наместо да се фокусира на вкрстувањето на податоци во ДИК за брзо прочистување на Избирачкиот список, нивните експертите со смешни образложенија дека имале други обврски ја напуштаат работата на ДИК“, заклучи Димовски.
Со договорот познат како Пржински договор, постигнат со посредството на ЕУ и САД летото минатата година во контекст на надминувањето на политичката криза, меѓу другото беше договорено одржување на предвремените парламентарни избори на 24-ти април.
ВМРО-ДПМНЕ и ДУИ сметаат дека се создадени условите за одржување на изборите, додека најголемата опозициска партија СДСМ смета дека нема неопходна гаранција за одржување фер и чесни избори.
Прес-конференцијата на Димовски се одржа додека се очекува објавувањето на процената на процената на меѓународниот фактор за условите за предвремени избори на 24 -ти април треба да биде објавена денеска, откако на барање на некои политички партии, кое беше одложувано од петокот. Амбасадорите на САД и ЕУ во својот извештај ќе дадат препораки за сите услови дали се доволно исполнети, а конечната одлука дали ќе има избори на 24-ти април, или тие би се одложиле, ќе им ја препуштат на лидерите на четирите најголеми партии.
„Само на овој начин ќе бидеме убедени и ние како политичка партија и граѓаните во искреноста на целокупниот процес кој досега го водевме од аспект на неговата крајна цел, а тоа е конечен излез од кризата во која на вештачки начин беше втурната Македонија. Само на овој начин граѓаните од прва рака ќе ги видат аргументите и ќе може сами да судат и околу фактите и процените“, порача Димовски.
Истакна дека ВМРО-ДПМНЕ е информирана дека ДИК и странските експерти кои се ангажирани во неа, вкрстувањето на податоците, во најлош случај, со мрзлива и неодговорна работа може да се заврши за максимум 14 дена.
Од почетокот на политичката криза во којашто, како што рече Димовски, СДСМ ја втурнала земјата, ВМРО ДПМНЕ беше крајно конструктивна и посветена на враќање на стабилноста на државата.
„Бевме свесни дека на граѓаните и на земјата не ѝ требаат конфликти и деструкција, туку и требаат просперитет и економски развој. Бевме свесни дека само со таква мудра политика можеме да привлечеме нови странски инвеститори, да отвораме нови странски и домашни фабрики и да се отвораат нови работни места за граѓаните. Само со разумен пристап ќе може навремено да ги реализираме сите проекти кои сме им ги ветивме на граѓаните“, порача Димовски.
Ги критикуваше колегите пратеници од опозициската СДСМ, потсетувајќи дека се одлучија да го бојкотираат Собранието, да не присуствуваат на седници и да не ја „преземат обврската која граѓаните им ја доделиле“.
„Преговаравме да се вратат заради добриот имиџ на државата, заради стабилност и заради потреба институциите да функционираат со целиот свој капацитет“, рече Димовски.
Потсети притоа дека ВМРО-ДПМНЕ се согласила на измени во Изборниот закон и ги прифати барањата на СДСМ, даде согласност за нова структура и нов состав на ДИК, како и за прецизно регулирање на можностите партиите на фер начин да обезбедат можност за учество на изборите, иако оцени дека законските решенија и досега го нуделе тоа.
„Конечно, се согласивме СДСМ да ги добие ресорите за внатрешни работи и труд и социјална политика, како и три заменички места без да имаат мандат од граѓаните за тоа. Три месеци подоцна, гледаме дека нивните кадри немаат ниту еден позитивен резултат со кој може да се пофалат во јавноста. Во ресорите каде раководат се говори само за вработување партиски послушници, унапредување на блиски роднини, беззаконие и хаос со кои се кочат сите проекти наменети за граѓаните“, констатираше Димовски според кој во изминатиот период биле исполнети и многу други прашања, договори и обврски од разговорите меѓу политичките партии.
Димовски уверува дека по преговорите останал уште да се испочитува „крунскиот услов“ на договорот од јуни/јули, а тоа е одржување на предвремените парламентарни избори за кои се потпишаа и гласаа пратениците во Собрание да се одржат на 24-ти април./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.