Свет
Свинскиот грип помалку опасен од обичниот?!

Престижниот Харвардски универзитет ги објави резултатите од истражувањето според кои свинскиот грип со најтешка кличничка слика е за малку поопасен од обичниот
Според истражувањето спроведено во Њујорк и Милвоки, свинскиот грип е смртоносен само во 0,048 отсто случаи. Од Uниверзитетот велат дека најверојатно вкупните резултати ќе покажат дека грипот предизвикан со вирусот H1N1 е многу поблаг отколку сезонскиот грип.Водачот на тимот што го спровел истражувањето, Марк Липсич, објаснува дека тоа значи дека на секои две илјади луѓе кои имале симптоми на пандемискиот грип, еден човек починал. Натаму, резултатите покажуваат дека по заразувањето со вирусот, на лечење во здравствена установа биле само 1,44 отсто Американци кои имале видливи симптоми на свинскиот грип, а само 0,24 отсто од нив биле на интензивна нега.Тој додал дека овие резултати треба да ја стишаат паниката што ја дигнале политичарите и здравствените работници кои според него сеат страв тврдејќи дека свинскиот грип ќе убие милиони луѓе низ светот. Сепак, стручњаците од Харвадр ја оставаат можноста вирусот да мутира и да стане многу поопасен.Според овие резултати на Харвард, во САД од последици на компликации предизвикани со новиот вирус на свинскиот грип би можеле да починат меѓу 7.800 и 29 илјади луѓе. Истовремено од сезонскиот грип во САД секоја година се хоспитализирани 200 илјади Американци, а 36 илјади починуваат.
Бројките може да го демантираат ХарвардНа крајот од ноември, според Светската здравствена органзиација новиот вирус на грипот А(H1N1) е причинител за смртта на околу осум илјади лица, во 206 држави и територии во светот.Американскиот континент и во ноември беше најтешко засегнат со 5.360 смртни случаи, од кои 554 беа регистрирани само во последната седмица од минатиот месец.Свинскиот грип во САД се прошири на 48 сојузни држави каде има многу случаи на заболени, додека на Хаваи и во Јужна Каролина регистрирана е незначителна бројка инфицирани.Според податоците на американскиот Центар за следење и превенција на болестите (CDC) од Атланта, од новиот тип свински грип главно страдаат младите луѓе. Во споредба со сезонскиот грип, млaдите и децата и натаму се несразмерно повеќе погодени од грипот. Од април во САД се потврдени повеќе од 120 случаи на педијатриска смрт како последица од инфекција со вирусот A(H1N1), а од тоа половината биле само во септември и октомври.Европејците сепак се плашатЕвропските лекари пред две седмици изнесоа прогнози дека од пандемијата од грипот од типот на A(H1N1) може да починат 40 илјади лица, по што би следел бран од обичниот грип од кој би можеле да починат исто толку Европејци.Европскиот центар за превенција и следење на болестите (ECDC) од седиштето во Штокхолм издаде соопштение во кое се вели дека не може да се предвиди кога ќе биде достигнат врвот на пандемијата, но се смета дека тоа ќе се случи со настапувањето на зимата кога и натаму ќе има илјадници жртви.„Сите европски држави ќе бидат погодени и затоа националните системи на здравствена заштита ќе бидат под голем притисок“, изјавила директорката на Центарот, Зузана Јагаб.ECDC смета дека е тешко да се предвиди какви ќе бидат резултатите кога ќе се случи поклопување на пандемијата од свинскиот грип и сезонскиот грип, страхувајќи дека на почетокот од 2010 г. постои голема можност од епидемија на опасни сезонски грипови.До крајот на пандемијата две милијарди луѓе ќe заболат од свинскиот грипДо крајот на пандемијата со новиот вирус ќе бидат заразени меѓу 15 и 45 отсто од вкупната популација во светот. Триесет отсто е средна проценка, а 30 отсто од светската популација се две милијарди луѓе, предупредија уште во август од Светската здравствена организација, нагласувајќи дека тоа се само груби проценки.Обединетите нации заради таквите проценки претходно ги обвинуваа СЗО дека шират паника, но според неа од прогласувањето пандемија на 11 јуни утврдено е дека новиот грип од типот А(H1N1) се шири далеку побрзо од сите претходни случаи на пандемија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција го усвои контроверзниот закон – отворен патот за 13-часовно работно време

Грчкиот парламент денес го усвои новиот закон за труд, кој предизвика бурни реакции и протести во целата земја. Со 158 гласа „за“ и 109 „против“ владиниот предлог беше изгласан, а левичарската опозициска партија СИРИЗА одби да учествува во гласањето.
Законот, кој според владата има цел да го направи пазарот на труд поприспособлив и поефикасен, им овозможува на работодавците во приватниот сектор да бараат од своите вработени да работат до 13 часа дневно наместо досегашните осум. Продолженото работно време може да се применува најмногу 37 дена годишно, а работниците се заштитени од отказ доколку одбијат да работат прекувремено.
Владата тврди дека со новите правила се зголемуваат флексибилноста и заштитата на работниците, особено оние со семејства, и дека законот дозволува четиридневна работна недела доколку има претходен договор меѓу работодавецот и вработениот.
Меѓутоа, синдикатите и опозицијата остро реагираа предупредувајќи дека реформата ја укинува суштината на осумчасовниот работен ден и ја легализира прекумерната експлоатација. Синдикатот на државните службеници ADEDY порача дека „флексибилното работно време во пракса значи уништување на семејниот и на општествениот живот и укинување на работничките права“.
Синдикатите потсетуваат и дека просечните плати во Грција се значително пониски од европскиот просек, а нерегистрираниот труд и натаму е голем проблем. Опозициските партии оценија дека законот е застарен и спротивен на европските тенденции за скратување на работното време и воведување пократка, но поквалитетна работна недела.
Новите одредби предвидуваат и поголема флексибилност при вработувања на определено време, со цел, како што наведува Министерството за труд, да се стимулираат продуктивноста и модернизацијата на пазарот на труд.
И покрај уверувањата на владата дека законот ќе ги заштити работниците и ќе овозможи подобра рамнотежа меѓу работа и приватен живот, јавноста останува поделена.
Свет
Индонезија, Азербејџан и Пакистан – три земји во преговори за мировна мисија во Газа

Американски официјален претставник изјави дека Индонезија, Азербејџан и Пакистан разговараат со САД за можноста да испратат војници во идната меѓународна мисија за стабилизација на Пojaсот Газа, објави американски функционер од одбраната, кој побарал да остане анонимен поради чувствителноста на преговорите, јавува „Политико“.
Ова е дел од планот во 20 точки за мир предложен од Доналд Трамп, кој предвидува привремени сили за обука и поддршка на палестинската полиција и соработка со Египет и Јордан.
САД нагласуваат дека американски војници нема да влегуваат во Газа, туку ќе дејствуваат од координативен центар северно од Израел. Египет, Катар и ОАЕ ќе имаат свои официри таму. Досега нема официјални потврди од трите земји.
Целта на мисијата е привремено да се обезбеди обука на палестинските безбедносни структури и да се овозможи разоружување на Хамас. Аналитичари и дипломати ја доведуваат во прашање изводливоста на планот, а формирањето на силите може да трае неколку месеци од моментот на одлуката.
Свет
„Борбата не е завршена“ – Нетанјаху решен да ги врати сите тела на заложниците

Израелскиот премиер Бенјамин Нетанјаху изјави дека Израел е решен да ги врати сите тела на заложниците што сè уште се во рацете на Хамас.
Тој ја повтори својата порака за време на одбележувањето на втората годишнина од нападот на Хамас велејќи:
„Борбата уште не е завршена, но едно е јасно – секој што ќе крене рака против нас, ќе плати висока цена“.
Израел го обвини Хамас за прекршување на договорот за примирје, според кој сите заложници – живи и мртви – требало да бидат предадени до понеделник. Хамас предаде 20 живи заложници и девет тела, но тврди дека за другите му е потребна специјална опрема за пребарување под урнатините.
Министерот за одбрана Израел Кац порача дека ако Хамас не го почитува договорот, Израел во координација со САД ќе ја продолжи офанзивата до целосен пораз на организацијата.