Свет
Анализа: „Економист“ за изборите во Јапонија
Наото Кан, јапонскиот премиер кој се обиде да ги убеди гласачите дека презадолжената економија на земјата се повеќе наликува на грчката, сега треба да ја води битката на својот живот за да остане на функцијата, откако
Наото Кан, јапонскиот премиер кој се обиде да ги убеди гласачите дека презадолжената економија на земјата се повеќе наликува на грчката, сега треба да ја води битката на својот живот за да остане на функцијата, откако неговата партија постигна катастрофални резултати на изборите за јапонскиот горен дом во неделата на 11 јули. Помалку од шест недели откако ја презема функцијата, можноста за уште една лидерска криза нагло се зголемија. Кан е шестиот јапонски премиер во последниве четири години, а веќе се наѕира нова политичка криза. Единствена утеха е тоа што, гласајќи за други партии, Јапонците испратија јасен сигнал дека сакаат подобар економски менаџмент и побрз развој.
На овие избори за половина од седиштата во горниот дом на Диетот (парламентот), сировите бројки покажуваат каква папазјанија направи Демократската партија на Јапонија (ДПЈ) од владеењето со Јапонија, откако ги симнаа од власт долгогодишните владетели на земјата од Либерал демократската партија (ЛДП) пред десет месеци. ДПЈ освои само 44 седишта, десет помалку отколку што се надеваа и далеку од потребното мнозинство, дури и во коалиција со својот помал партнер. Во долниот дом, на ДПЈ и недостасува магичното двотретинско мнозинство, со кое ќе можеше да го заобиколи горниот дом. Оттаму, на ДПЈ ќе и биде исклучително тешко да обезбеди поддршка за донесување на легислативата за која се залага.
Значи,. ќе мора да се прават додатни коалиции. Но задачата да се пријде до другите политички партии е додатно искомплицирана поради тоа една од партиите кои најмногу „ќарија“ од премрежието на ДПЈ е нивниот стар „душман“, ЛДП. Ова е, најверојатно, најголемото изненадување на изборите во неделата: минатиот септември, кога ДПЈ ја избрка од власт, ЛДП беше во расуло. Во неделата оваа партија, всушност, освои повеќе седишта од ДПЈ, 51, најмногу благодарејќи на добрите резултати постигнати во префектурите со мнозински изборен систем, каде што освои 21 место, споредено со осумте на ДПЈ. делумно најмногу се должат на нејзината стара политичка машина, која не ја заврши целата работа, но целосно ја искористи дезилузионираноста со ДПЈ. Уште еден фактор можеби помогнал за разликата: Шинџиро Коизуми, телевизичниот син на телевизичниот поранешен премиер Јуничиро Коизуми, неуморно ја водеше кампањата за секој кандидат на партијата одделно, иако самиот не беше кандидиран на овие избори. Граѓаните во текот на кампањата кон него се однесуваа како кон поп – ѕвезда, а во земја каде што на политичарите им недостасува шармот на ѕвездите, таквиот магнетизам значи многу.
Уште една младешка сила која добро мина на овие избори беше „Вашата партија“, формирана пред една година од незадоволни членови на ДПЈ и на ЛДП. Таа доби десет седишта, згора на едното кое веќе го имаше. Седум од новите места во горниот дом дојдоа преку пропорционалното гласање, со што „Вашата партија“ изби на површината како нива сила на јапонската политичка сцена. Според зборовите на нејзиниот претседател, Јошими Ватанабе, партијата се надева да стане „чувар на портата“ во новиот Диет, но силно се спротивставува на опцијата да влезе во коалиција со ДПЈ. Тоа е партија чиј врвен приоритет е заздравувањето на јапонската економија. Интересно, Ватанабе вечерта на изборите изјави дека нејзина прва цел би била да ја реформира Банката на Јапонија и да ја сопре дефлацијата. Без детаљи, но за оние кои мислат дека централната банка ја носи главната одговорност за јапонската економска болест, тоа би бил добар старт.
Што се однесува на економијата во поширока смисла, овие избори тешко може да се „прочитаат“. И ДПЈ и ЛДП се залагаа за покачување на данокот на потрошувачка, но се чини дека ЛДП не беше казнета поради тоа. „Вашата партија“ се противи на покачувањето на данокот, но не изгуби ништо поради тоа. Популистичката Нова народна партија која, како коалициски партнер на ДПЈ, очајнички се обидува да ја врати приватизацијата поштенскиот систем, не освои ниту едно место. Сите жени – кандидатки блиски до Јуничиро Коизуми, реформистот кој беше претставен како главен виновник за се лошо во Јапонија на минатогодишните парламентарни избори, победија во своите изборни единици.
Најверојатно најважната порака од овие избори е таа дека гласачите сакаат лидери кои знаат што прават. За жал, таквите се ретки. Кан се чини исто толку заплеткан во прашањето дали да се качи потрошувачкиот данок колку што неговиот претходник, Јукио Хатојама се заплетка во прашањето на селењето на американската воздушна база на Окинава, што доведе до негова смена минатиот месец. Тоа значи и дека сега Кан се соочува со горчлива борба за лидерското место во септември. Колку и да се труди да се претстави себе си како човек од народот, во наредните неколку месеци новиот премиер треба да размислува за своето сопствено преживување, исто толку колку што ќе размислува за иднината на земјата.
Прашањето е уште колку оваа држава без насока може да си дозволи такви дефокусирања?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.