Регион
Шешељ: Не се враќам во Хаг, не умирам сé додека не ја ослободам Србија
Лидерот на Српската радилкална партија (СРС), Воислав Шешељ обвинет во воени злосторства во Хрватски БиХ, во саботата изјави дека доброволно нема да се врати во Хаг, поради тоа што сака „на маки да го стави режимот во земјата“, пренесуваат српските медиуми.
„Доброволно не одам. Доволно беше тоа што го растурив Хашкиот трибунал. Режимот тврди дека барањето на Хашкиот трибунал е удар врз Александар Вучиќ. Па веројатно е и удар врз мене. Да беше ова удар врз него, веројатно ќе бараа тој да се врати во Хаг“, рекол Шешељ на конгресот на СРС, додавајќи дека преку ова Хашкиот триунал го ставил режимот пред нов испит.
„Нема да одам доброволно поради тоа што сакам нив да ги ставам на маки. Нема да бегам ниту кријам, нека ме носат на аеродром“, истакнал Шешељ, чие враќање од привремената слобода на која е од ноември минатата година беше побарано од Хашкиот трибунал.
„Очекуваа дека ќе умрам. Нема да умрам сé додека не ја ослободам Србија“, изјавил лидерот на српските радикали, наведувајќи дека „на режимот“ на Српската напредна партија „му дошол крајот“.
Според него, режимот на Српската напредна партија продолжува да спроведува разорна и предавничка политика, исполнувајќи ги сите барања од Западот, како што се предавството на Косово и политиката кон Русија.
„Уверени сме дека ќе успееме да го собориме режимот, пред тој да ја уништи Србија. Тие ветија дека српскиот народ ќе живее подобро, а првото нешто што го направија по изборите беше намалувањето на пплатите и пензиите“, додал Шешељ. Тој, исто така, рекол дека неговата партија нуди откажување од евроинтеграциите за сметка на интеграција со Русија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.