Во Србија денеска е Ден на жалост поради трагичниот настан во градот Цетиње, Црна Гора, каде што беа убиени 12 и ранети четири лица.

Одлуката за прогласување Ден на жалост беше донесена на вчерашната седница на Владата на Србија, по предлог на претседателот Александар Вучиќ.

Седницата започна со едноминутно молчење во чест на жртвите од масовното убиство што ја потресе регионот.

Трагедијата се случи на 1 јануари, кога вооружен маж застрела седум мажи и три жени, меѓу кои и својата сестра, како и две деца на возраст од 10 и 13 години. По страшниот чин, напаѓачот се застрела во главата и подоцна почина на пат кон болница. Четири лица кои беа тешко повредени се хоспитализирани и се наоѓаат под медицинска грижа.

Во последните три дена, граѓаните на Црна Гора доброволно предале значителна количина оружје и муниција како дел од кампањата „Почитувај го животот, врати оружје“, соопшти Управата за полиција. Предадени се 19 пиштоли, 14 пушки, 496 парчиња муниција, како и повеќе делови од оружје.

Полицијата апелира до сите граѓани да го дадат својот придонес за безбедноста на општеството со предавање огнено оружје, муниција и експлозивни средства што ги поседуваат. Притоа, се нагласува дека ова може да се направи без никакви правни, кривични или прекршочни последици, без разлика дали оружјето е во легално или илегално сопствеништво.

„Ги повикуваме сограѓаните да се јават на бројот 122 или да ги информираат полициските службеници за желбата да го предадат оружјето. Важно е да напоменеме дека оружјето не треба да се носи самостојно во полициски станици,“ стои во соопштението на полицијата.

Оваа иницијатива добива дополнителна важност по трагичниот настан на 1 јануари на Цетиње, каде што животот го загубија 12 лица, меѓу кои три жени и две деца. Во инцидентот четири лица беа повредени, а напаѓачот, 45-годишниот Ацо Мартиновиќ, изврши самоубиство.

По оваа трагедија, во земјата беше прогласена тродневна жалост од 2 до 4 јануари. Кампањата „Почитувај го животот, врати оружје“ ја доби поддршката на јавноста како важен чекор кон подобрување на безбедноста и превенција од вакви трагедии.

Куче со тажен поглед во очите седеше пред куќата на убиените момчиња во Цетиње

Бројни медиуми ја објавија тажната глетка што вчера ја затекнаа жителите на Цетиње. Имено, кучето седеше пред куќата на момчињата убиени во масакрот во овој црногорски град, мирно ги набљудуваше минувачите како да ги чека своите мали соседи.

Сцената беше уште потрогателна од тажниот поглед во далечината што го имаше кучето додека седеше неподвижно дури и на дождот на ѕидот во близина на прозорецот од детската соба.

Се претпоставува дека ова куче ги познавало момчињата и можеби често си играло со нив, па неговиот став бил таков што ги чекал да се појават зад аголот и да ја продолжи играта со нив, која како и нивната младост била прекината во крвавиот масакрот што се случи на 1 јануари се случи во Цетиње.

Со ваквото присуство кучето им оддаде почит на убиените момчиња и на некој начин „ги испрати во подобар свет“.

 

View this post on Instagram

 

A post shared by Telegraf.rs (@telegraf.rs)

Вукан (8) и Јован (13) Вулетиќ се најмладите жртви на крвавиот масакр, а двајцата биле ученици во Основното училиште „Ловќенски партизански одред“, пишува mojportal.me.

Убиен е и нивниот вујко Мирко Вулетиќ кој вчера е погребан со овие две момчиња. Според медиумите, на погребот присуствувале многу граѓани, а на местото на нивното вечно почивање одекнале лелеци и потресни пораки.

 

View this post on Instagram

 

A post shared by Telegraf.rs (@telegraf.rs)