Спорт
Аргентина со „петка“, Англија убедлива против Мексико
Во подготвителните натпревари во понеделник двата фаворита за светската титула на претстојното Светско првенство постигнаа убедливи победи, додека домаќинот Јужна Африка одигра само нерешено со Бугарија
Англичаните на „Вембли“ го совладаа Мексико со 3:1 со головите на Ледли Кинг во 17., Питер Крауч во 35. и Глен Џонсон, додека за Мексиканците голот го постигна Гуиле Франко во 44. минута. „Во првото полувреме игравме многу добро и многу сум задоволен од мечот во кој постигнавме три гола. Во второто полувреме беше многу полошо заради многуте измени“, изјави по мечот англискиот селектор Фабио Капело. Иако не целосен, аргентинскиот состав едноставно ја прегази Канада во Буенос Аирес, За „гаучосите“ не настапија ниту Лионел Меси кој го истегна мускулот во саботата, ниту Диего Милито, кој денеска треба да се приклучи на репрезентацијата. За Аргентина головите ги постигнаа Макси Родригез – два, Анхел де Марија, Карлос Тевез и Серхио Агуеро.„Не саква да ризикувам со Меси, а сакав на светот да му покажам дек аи без него иамме квалитетна и талентирана екипа“, изјави по мечот Диего Марадона. Јужна Африка во Преторија одигра само 1:1 со Бугарија. Според спортските коментатори, овој меч бил големо охрабрување за домаѓинот на мундијалот, бидејќи покажал дека може да биде рамноправен со солидните европски репрезентации. Јужноафриканците поведоа во 20. минута преку Сиабонг Сангуени а за Бугарија голот го постигна Валери Божинов во 31. минута. Португалија тотално разочара играјчи во Ковиља без голови со Зеленортските острови, докажувајќи дека иако во своите редови го имаат најскапиот играч на планетава Кристијано Роналдо, најголем проблем им е постигнувањето голови. Според новинските извештаи, Португалија на овој меч играла дури со три шпица, Роналдо, Лиедса и Нани, а навивачите четата рпедводена од тренерот Карлос Квеирос ја испратиле со големо негодување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нетси во јануари ќе го пензионираат дресот на Винс Картер
Бруклин Нетс ќе го повлечат дресот со број 15 на Винс Картер пред нивниот домашен натпревар на 25 јануари 2025 година против Мајами Хит.
Дресот на Картер ќе биде седмиот „пензиониран“ од оваа франшиза, по дресовите на Дражен Петровиќ (бр. 3), Џејсон Кид (бр. 5), Џон Вилијамсон (бр. 23), Бил Мелкиони. (бр. 25 ), Џулиус Ервинг (бр. 32). и Чарлс „Бак“ Вилијамс (бр. 52).
„Возбудени сме што можеме да му оддадеме чест на поранешниот играч на Нетс, Винс Картер, кој придонесе многу за оваа организација на теренот и надвор од него. Тој е важен дел од историјата на франшизата на Нетс и со нетрпение очекуваме да му посакаме добредојде во арената оваа сезона.за да го прославиме неговото наследство“, рече извршниот директор на Нетс, Џо Цаи.
Картер, член на класата на кошаркарската Куќа на славните од 2024 година, имаше просек од 23,6 поени во текот на четири сезони со тогашниот Њу Џерси Нетс од 2004-2009 година. Картер, кој сега има 47 години, сè уште го држи рекордот на франшизата со 2.070 поени во сезоната 2006/2007 година.
Осумкратен Ол-стар и дебитант на годината во сезоната 1998/99, Картер е единствениот играч во историјата на НБА кој се натпреварувал во текот на четири децении. Првиот пик на драфтот во 1998 година се повлече по сезоната 2019/20. со 25.728 поени во 1.541 натпревар.
Спорт
Трент сака да купи клуб во Франција
Интересни вести доаѓаат од светот на фудбалот. Фудбалерот на Ливерпул, Трент Александер-Арнолд сака да го купи фудбалскиот клуб Нант од Лига 1.
Како што пренесува „Лекип“, заменик-капитенот на Ливерпул и репрезентативец на Англија води сериозни преговори со сопственикот на „Канаринците“, Валдемар Кит. Кит е сопственик на Нант од 2007 година и наводно сака да го продаде клубот.
Еден од најдобрите десни бекови во светот би влегол во овој бизнис во партнерство со конзорциумот во кој е и неговиот татко. Наводно, Кит бара 100 милиони евра, но купувачите не се заинтересирани да инвестираат толку многу, па преговорите се уште траат.
Инаку, Александер-Арнол е малцински сосптвеник во Формула 1 тимот, Алпин, заедно с актерот и сопственик на Рексам, Рајан Рејнолдс, голферот Рори Мекилрој и боксерот Ентони Џошуа.
Спорт
Федерер го критикуваше Зверев
Освојувачот на 20 Грен слем титули, Роџер Федерер го критикуваше Александар Зверев, велејќи дека Германецот мора да игра поофанзивно.
Зверев еден од најдобрите во својата генерација се уште нема освоено Грен слем титулата. Во кариерата два пати играше Грен слем финале, во Њујорк во 2020 загуби од Доминик Тим, а пред неколку месеци доживеа пораз од Карлос Алкараз на Ролан Гарос.
„Јас не сум негов тренер, па можам да зборувам отворено. Кога го гледам, гледам дека игра премногу пасивно. Тој е премногу дефанзивец во решавачките моменти. Тој е одличен во дефанзивата, но за да победи мора да најде начин да напаѓа. Ако го имплементира тоа во својата игра, може да постигне големи работи“, изјави Федерер и додаде:
„Кога играте против најдобрите во светот, треба да преземете иницијатива и да бидете офанзивни. Не го направи тоа против Фриц. Тој е одличен играч, но за да освоите Грен слем трофеј, треба да верувате во твоете удари, да напаѓаш. Мора со целото тело да верува, титулите нема сами да дојдат“.
Зверев има 27 години, во кариерата освои 22 титули и моментално е втор тенисер во светот.