Свет
Снегот го парализираше Нов Зеланд
Нов Зеланд го зафати снежно невреме, кое предизвика бројни проблеми во сообраќајот
Нов Зеланд го зафати снежно невреме, кое предизвика бројни проблеми во сообраќајот.
Според агенциите Северниот остров е прекриен со метар снег, кој зароби бројни возачи на патиштата.
Во подрачјето на езерото Таупо во централниот дел на островот поради „невообичаените временски услови“ дури е прогласена вонредна состојба. Во автомобилите останаа заробени околу 900 луѓе, за кои властите направија принудни засолништа.
Поради снегот и автомобилите што останаа на патиштата затворени се две делници на главниот автопат што ја поврзува престолнината Велингтон, со најголемиот град Окланд, како и 145 километарски отсек меѓу езерото Таупо и градот Напиер на источниот брег на островот.
Снегот искрши многу дрвја и ја прекина електричната енергија во најмалку 700 домови./крај/ста/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.