Свет
Камп на демонстранти подигнат во центарот на Каиро
На плоштадот Тахрир во центарот на египетската престолнина Каиро, кој стана традиционално место за масовни протести, преку ноќта повторно е подигнат шаторски логор на демонстрантите.
На плоштадот Тахрир во центарот на египетската престолнина Каиро, кој стана традиционално место за масовни протести, преку ноќта повторно е подигнат шаторски логор на демонстрантите.Како што јавуваат агенциите, во рамките на подготовките за акцијата „Петок на одмаздата“, во четвртокот од средината на денот на социјалните мрежи се рашируваат повиците до каирската младина за собирот на плоштадот Тахрир.Засега според весникот Al Ahram, бројот на потврдите преку социјалните мрежи за учество на собирот не е голем, но се забележува дека почетокот на протестот најверојатно ќе биде по традиционалната петочна молитва околу 13 часот по локално време (исто и по македонско време).Во четвртокот навечер десетина младешки движења и седум политички партии се вклучија во иницијативата за организирање во Каиро на уште еден масовен протест – „Петок на одмаздата“, во врска со масовните безредија на плоштадот Тахрир кои избувнаа на 29-ти јуни вечерта, кога беа повредени повеќе од илјада луѓе. Од учество во акцијата се откажа движењето „Муслиманско братство“, како и египетските салафити (радикална струја во исламот), кои истакнаа дека новата ситуација во државата бара неопходно нови форми на изразување на јавното мислење, и истапија против претворањето на плоштадот Тахрир кој стана симбол на јануарската револуција со којашто по четири децении беше соборен авторитарниот режим на претседателот Хосни Мубарак, во место на масовни тепачки и скандали.Организаторите на протестната акција предлагаат народот да ги побара и да се имплементираат сите барања од револуцијата од 25-ти јануари. Кон досегашните барања за демократските реформи, младите сега ги придадоа и барањата за казнување високи функционери на египетското министерство за внатрешни кои биле инволвирани во „тепањето и малтретирањето на демонстрантите на Тахрир“. Министерството за внатрешни работи на Египет соопшти дека нема да интервенира на најавените протести. Припадниците на полицијата ќе ги обезбедуваат само објектите во Каиро.Воените сили на Египет во средата навечер ја зазедоа контролата врз плоштадот Тахрир и ги блокираа сите пристапи кон него. Под посебна заштита беше ставена зградата на министерството за внатрешни работи, до која во вторникот и во средата се обидуваа да се пробијат демонстрантите. Војската одлучи да интервенира на каирскиот плоштад Тахрир и да го преземе обезбедувањето на просторот и околните улици во регионот Тахрир откако во средата во вечерните часови повторно почнале да се собираат групи од агресивно настроени млади луѓе, кои извикувале слогани барајќи оставка од министерот за внатрешни работи Мансур ал-Исав. Властите стравуваат од повторување на судирите на Тахрир во кои според египетското министерство за здравство, настрадале 1.114 лица, пишува интернет изданието на дневниот весник Al Аhram.Во вторникот навечер на Тахрир групи млади лица се судрија со полицијата. Во средата областа беше делумно блокирана од демонстрантите а повторно се појавија барикади на улиците. Демонстрантите испровоцираа судири со полицијата.Египетскиот претседател Хосни Мубарак поднесе оставка на 11-ти февруари, откако избувнаа масовните безредија предизвикани од лошата економска ситуација во земјата. Тој му ја предаде власта на Врховниот совет на вооружените сили на Египет. Во последните неколку седмици, се зголемува новиот бран на народното незадоволство против воените власти, кои се обвинуваат за одложување на демократските реформи./ ./крај/аа/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.