Свет
Србија ќе преговара со Македонија за долгот од прелетувањата на авионите
Српскиот министер за капитални инвестиции Велимир Илиќ, кој на македонската јавност Ј е познат по издавањето на наредбата ЈАТ да ги повлече најмените авиони на МАТ, вчера во Скопје потврди дека по македонска иницијатива наскоро ќе почнат преговори за долгот на Србија кон Македонија
Според контроверзниот српски министер за капитални инвестиции
Српскиот министер за капитални инвестиции Велимир Илиќ, кој на македонската јавност Ј е познат по издавањето на наредбата ЈАТ да ги повлече најмените авиони на МАТ, вчера во Скопје потврди дека по македонска иницијатива наскоро ќе почнат преговори за долгот на Србија кон Македонија за прелетувањата на српските авиони над нашата земја. Долгот за прелетувањата, според српскиот министер за капитални инвестиции, ќе се расчистува на ниво на меѓудржавни комисии.
Проблемот со намирување на долгот на српските власти е од поодамна, но се актуализираше откако ЈАТ ги побара двата најмени авиона од нашата авиокомпанија, поради наводни нерасчистени сметки. Иако сў уште не е точно утврдено, според грубата пресметка на македонските воздухопловни експерти, долгот на соседна Србија кон Македонија за контрола на небото е околу 10 милиони долари. Со оглед дека точната цифра треба допрва да се пресмета, нашата земја побара од српските воздухопловни власти заедно да утврдат кој колку должи за прелетувањата на авионите. Но, српските воздухопловни власти, иако се обврзаа, досега не формираа експертска група што ќе преговара со наш тим.
Илиќ вчера негираше дека српските власти за долгот за прелетувањата ќе разговараат со МАТ. Тој е категоричен дека МАТ е приватна компанија и нема зошто таа да се вовлекува во овој проблем кој е меѓудржавен. Коментирајќи го спорот меѓу ЈАТ и МАТ, тој тврди дека нашата авиокомпанија за десетина години, колку што ги најмувала авионите од српскиот национален авиопревозник, не платила ништо.
Како што потенцира Илиќ, МАТ, наводно, тврдел дека плаќал за најмувањето по некои приватни линии, но, официјално, за најмувањето нашата авиокомпанија не платила ниту еден денар.
(В.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.