Свет
Александар Верушевски се вратил од Црна Гора
Александар Верушевски, проблематичниот син на разузнавачот Верушевски, вчера се вратил во Скопје по дваесетина дена поминати во Игало, Црна Гора, каде што ја лечел десната нога.
Александар Верушевски, проблематичниот син на разузнавачот Верушевски, вчера се вратил во Скопје по дваесетина дена поминати во Игало, Црна Гора, каде што ја лечел десната нога.
Претседателот на вториот скопски суд, Бојан Ефтимов, пак, кој му го даде привремениот пасош, својот одговор на обвинувањата упатени на негова адреса го испратил до Врховниот суд.
Официјално МВР одби да потврди или да демантира дали Александар Верушевски се вратил, затоа што тоа било приватна информација.
Дане Илиев, претседател на Врховниот суд потврди дека добиле одговор од Ефтимов, но нагласи дека ќе треба најмалку една недела за да се утврди дали имало прекршување на законите.
– Документот е стигнат кај нашите служби. Јас се уште не сум го видел. Прво ќе треба да се изработи реферат, па да се определат судии за случајот. Дури потоа ќе расправаме на седница, по што ќе донесеме одлука. Процедурата не оди толку брзо, ќе ни треба најмалку една недела – изјави Илиев. Врховниот суд води истрага откако судијката Василка Божиновска, која го осуди Верушевски како малолетник, реагирала затоа што Ефтимов дал наредба до МВР, привремено да му го вратат пасошот за тој да ја лечи ногата во Игало, без нејзина согласност. Божиновска, која како и Ефтимов е судија со над 30 години стаж, им посочила на врховните судии дека биле прекршени законите за кривична постапка, за извршување санкции и за патни исправи.
Во случајот е вклучен и Републичкиот судски совет. Оттаму веќе побарале објаснување од Ефтимов, но вчера не го добиле.
– Требаше и ние да го добиеме одговорот на колегата Ефтимов, истовремено со Врховниот суд, но не го добивме. Не знам зошто – вели Абдуселам Канзовски, судија-член на РСС. А. Д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.