Европа
Генерал Хоџис: НАТО не би можел да се спротистави на руска агресија на балтичките земји
НАТО во овој момент не би бил способен да ги заштити балтичките земји доколку дојде до руска агресија, оценува американскиот генерал Бен Хоџис, еден од американските воени команданти во Европа, пред самитот на НАТО во Варшава на кој Алијансата би требало да го одобри јакнењето на сојузничките земји на Балтик и во Полска, и воопшто во Европа.
НАТО во овој момент не би бил способен да ги заштити балтичките земји доколку дојде до руска агресија, оценува американскиот генерал Бен Хоџис, еден од американските воени команданти во Европа, пред самитот на НАТО во Варшава на кој Алијансата би требало да го одобри јакнењето на сојузничките земји на Балтик и во Полска, и воопшто во Европа.
„Вистина е дека Русија многу побрзо би ги освоила балтичките земји отколку што ние би можеле да стасаме да ги браниме“, изјавила генералот Бен Хоџис, командант на копнените сили на НАТО, на маргините од воените вежби „Анаконда 16“, кои се одржуваат во Полска.
Хоџис е согласен со оцените на воените аналитичари, според кои руските војници за 36 до 60 часови би ги заземале главните градови на балтичките земји.
Според извештајот на истражувачкиот центар RAND, објавен во февруари 2016 година, на Русија би ѝ биле потребни „не повеќе од 60 часови, за во рамки на воена интервенција да стаса до престолнините на Латвија и Естонија“.
Американскиот генерал, исто така, ги опишува и различните недостатоци во координацијата на трупите на НАТО за време на маневрите „Анаконда“ во Полска. Според него, проблемите се појавиле при пренесувањето на тешката техника од Западна кон Источна Европа. На вежбата учествуваат 31.000 војници од 24 земји, а се борат против имагинарниот агресор „Сојузот на црвените“, чија цел се балтичките земји и Полска, со јасна алузија на Русија, за којашто Западот вели дека има наводни агресивни намери кон овие простори
Вежбите се одржуваат пред самитот на НАТО во Варшава на 8-ми и 9-ти јули, кој би требало да го потврди јакнењето на западните сили во источна Европа во близина на Европа.
Овие вежби, на коишто Русија одговори со ненајавени голем маневри во спротивниот правец на своите граници, официјално се водат како полски воени вежби, за наводно да не се иритира Москва.
Претходно седмицава генералниот секретар на НАТО, Јенс Столтенберг, изјави дека министрите за одбрана на земјите членки на Алијансата го одобриле разместувањето на по еден баталјон со по илјада војници во Латвија, Литванија, Естонија и Полска.
Од друга страна, рускиот министер за надворешни работи Сергеј Лавров изјави дека Русија нема никогаш да нападне ниедна земја членка на НАТО, а сите изјави на челниците на Алијансата се со единствена цел – да го оправдаат разместувањето на повеќе вооружување и повеќе баталјони во Европа, како гаранција дека САД продолжуваат да ја чуваат таа лединка“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.