Свет
Преговорите на Грција и кредиторите прекинати, поради големите разлики
Најновиот круг од преговорите меѓу Грција и нејзините доверители во Брисел се прекинати во неделата навечер без постигнување договор, откако разговорите во текот на викендот не успеаја да ги премостат големите разлики во ставовите меѓу двете страни за грчките реформи во замена за финансиска помош.
„Во текот на преговорите е забележан одреден напредок, но сепак тие не беа успешни, бидејќи и натаму остануваат значителните разлики меѓу предлозите на грчката влада и заедничките барања на Европската комисија, Европската централна банка и Меѓународниот монетарен фонд, во износ од околу две милијарди евра буџетски заштеди на годишно ниво (на пример 0,5 до 1 отсто од бруто домашниот производ – БДП). Грчките предлози остануваат нецелосни. Оттаму, натамошните преговори мора да продолжат во рамките на Еврогрупата“, се истакнува во соопштението на Европската комисија.
Портпаролот на Европската комисија за AFP рекол дека претседателот на ЕК Жан-Клод Јункер и натаму е убеден дека решението може да биде најдено до крајот на јуни, кога Атина на ММФ мора да му ги исплати обединетите рати од долгот во висина од 1,6 милијарди евра.
Веднаш по завршувањето на средбата, грчкиот вицепремиер Јанис Драгакис изјави дека на партнерите им ги предал противпредлозите на Грција, но од нив не добил одговор.
„И покрај престојот на грчката делегација во Брисел, немаше никаков одговор од институциите на доверителите за дискутирање на ова ниво и со нивни овластени претставници кои ќе помогнат во решавање на отворените прашања“, се истакнува во соопштението на Драгакис.
„Грчката делегација којашто во Брисел се наоѓа од саботата, денеска ги претстави дополнетите предлози, како што беше договорено, за целосно затворање на буџетскиот јаз и примарниот суфицит. Предлозите, кои го отвораат патот кон конечниот договор, ги опфаќаат трите столба – буџетот, кредитно-финансиската сфера и развојот на економија“, вели во писмената изјава Драгакис.
Според него, иако грчкиот предлог целосно го покрива буџетскиот јаз, кредиторите се упорни во барањето за намалување на пензиите за 1 отсто од БДП-то и зголемувањето на ДДВ-то, исто така, за 1 процент од БДП, што би било заедно заштеди во буџетот во висина од 3,6 милијарди евра. Во изјавата се додава и дека Атина нема да се согласи на намалување на платите и пензиите, ниту на зголемувањето на данокот за додадена вредност за основните производи како што е струјата. Владата во овој текст заклучува и дека тие мерки го зафаќаат работниците и повторно водат кон рецесија.
Грчки извор изјавил во неделата навечер во Брисел дека „нерационалните барања на доверителите за што е одговорен ММФ, обвинет за непопустливиот и строг став“. „Барањата на доверителите се нерационални, разговорите траеја 45 минути“, рекол изворот, пренесува агенцијата DPA.
„Делегацијата на грчката влада осветена посветена да ги заврши преговорите и да се дојде до заемно корисен договор“, порачува во писмената изјава Драгасакис.
Грција веќе со месеци преговара со своите кредитори за реформите неопходни за да ја добие ланскиот август запрената транша од 7,2 милијарди евра од актуелниот пакет меѓународна финансиска помош. Рокот за европскиот дел од финансиската помош истекува кон крајот на јуни, и доколку договорот не биде постигнат до тогаш, Атина би можела да ја загуби преостаната транша.
Сé поверојатно е дека Грција нема да може да ја плати вкупната рата од долгот од 1,6 милијарди од кредитот од 1,6 милијарди евра кон ММФ, кој ѝ одобри сите четири рати да ги исплати до 30-ти јуни, што може да има непредвидливи последици за целата еврозона.
ММФ и земјите од еврозоната коишто ги претставуваат ЕК и ЕЦБ, од 2010 година на Грција ѝ доделија две програми кредитна поддршка во вкупен износ од 240 милијарди евра, покрај 110 милијарди евра отпишани кај приватни кредитори. Вториот пакет важеше до 1-ви јануари 2015 година, но беше продолжен до крајот на февруари, а потоа и до крајот на јуни. Како можна опција Атина предлага продолжување на актуелната програма до март 2016 или дури и до 2018 година. Сепак, и двете страни се далеку од постигнување компромис./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп до австралискиот амбасадор: Не те сакам и веројатно никогаш нема да те сакам
Претседателот на САД, Доналд Трамп, му рече на австралискиот амбасадор во САД и поранешен премиер, Кевин Рад, дека не го сака и веројатно никогаш нема да го сака.
Трамп вчера се сретна со сегашниот австралиски премиер, Ентони Албанезе. Политичкиот уредник на австралискиот „Скај њуз“, Ендру Кленел, го праша Трамп зошто требало толку долго време за да се организира состанокот. Тој беше заинтересиран дали има некаква врска со ставот на Австралија за климатските промени, Палестина или изјавите на Рад.
🤪 Trump to Australia’s ambassador: “I don’t like you either.”
An awkward exchange took place between the U.S. president and the Australian ambassador🇦🇺
After signing an agreement on rare earth minerals, a journalist reminded Trump that Ambassador Kevin Rudd had once called him… pic.twitter.com/UEooOxvqYs
— NEXTA (@nexta_tv) October 20, 2025
„Не знам ништо за него. Ако рекол нешто лошо, тогаш можеби би сакал да се извини. Дали амбасадорот рекол нешто лошо? Не кажувајте ми. Не сакам да знам. Каде е тој? Дали сè уште работи за вас“, Трамп го праша Албанезе.
Албанезе одговори дека Рад е сè уште амбасадор и покажа кон него. Рад призна дека кажал лоши работи за Трамп пред да стане амбасадор. „Ги повлекувам тие изјави“, рече тој.
„Ни мене не ми се допаѓаш. И веројатно никогаш нема да ми се допаднеш“, рече Трамп.
Во ноември минатата година, откако Рад беше потврден како избор на Албанезе за амбасадор на САД, се појави интервју од 2021 година во кое тој го опиша Трамп како селски идиот. Подоцна се дозна дека Рад избришал некои стари објави на социјалните мрежи во кои го нарекол Трамп предавник на Западот и лудак.
Економија
Светските берзи паднаа поради заканата на Трамп за ЕУ
На светските берзи цените на акциите паднаа минатата недела бидејќи инвеститорите беа загрижени за намалувањето на кредитниот рејтинг на САД, а на пазарите негативно влијаеа и новите закани на Вашингтон за зголемување на царините за увозот од Европската унија.
На Волстрит минатата недела, Dow Jones се лизна за 2,5 отсто, на 41.603 поени, додека S&P 500 падна за 2,6 отсто, на 5.802 поени, а индексот Nasdaq 2,5 отсто, на 18.737 поени.
Од самиот почеток на неделата индексите беа во минус бидејќи агенцијата Мудис го намали кредитниот рејтинг на САД од Ааа на Аа1 поради големиот дефицит на федералниот буџет, високите финансиски трошоци и планираните даночни намалувања.
Јавниот долг на САД е околу 36.200 милијарди долари, а може да се зголеми за уште 3.800 милијарди во следните десет години бидејќи претседателот на САД Доналд Трамп има намера да ги намали даноците. Поради ова, приносите на државните обврзници значително се зголемија, што значи дека владата мора да се задолжува по повисока цена.
Намалувањето на даноците веројатно би ја стимулирало потрошувачката и би го поддржало економскиот раст, но од друга страна, јавниот долг би се зголемил доколку не се намалат државните трошоци. И намалувањето на федералните трошоци, што е еден од приоритетите на Трамп, не оди толку глатко како што најави претседателот. Освен тоа, се чини дека проектот не е доволно добро подготвен.
Сепак, на крајот на неделата, приносите на обврзниците донекаде се стабилизираа, откако Претставничкиот дом на Конгресот тесно го поддржа предлог-законот на Трамп за даночни намалувања, па се уште се чека поддршката од Сенатот.
Но, во петокот, Трамп повторно ги потресе пазарите заканувајќи ѝ се на Европската унија со царини од 50 отсто од 1 јуни, бидејќи не е задоволен од тоа како напредуваат трговските разговори меѓу САД и ЕУ.
И на повеќето европски берзи цените на акциите паднаа минатата недела. Додуша, лондонскиот FTSE индекс зајакна за 0,4 отсто, на 8.717 поени, но франкфуртски DAX се лизна за 0,6 отсто, на 23.629 поени, а париски CAC 1,9 отсто, на 7.734 поени.
Економија
Макрон: Албанија за 2 години ќе биде во ЕУ, дојдете и инвестирајте
Францускиот претседател Емануел Макрон од Тирана упати силна порака до странските инвеститори, повикувајќи ги да дојдат и да вложуваат во Албанија, за која изрази убеденост дека „за две години ќе биде дел од Европската унија“.
Изјавата беше дадена на економскиот форум „Приоритет Европа“, организиран од Институтот „Иницијатива за идни инвестиции“ на Ричард Атијас, кој има за цел да ги поврзе европските лидери и иноватори со големи инвестициски фондови од Блискиот Исток, Азија и САД.
„Албанија е влезна точка за регионот на Балканот и медитеранскиот басен. Европа е стабилно и доверливо место. Во овој луд свет, да не ја потценуваме силата на таквите квалитети“, порача Макрон.
Тој додаде дека премиерот Еди Рама има јасен мандат и посветеност Албанија да ја внесе во ЕУ до 2027 година, а според Макрон, тоа би можело да се случи дури и порано – за две години.
Премиерот Рама, пак, изјави дека неговата земја ги започна преговорите со Европската Унија во 2022 година и дека ако ги завршат сите задачи добро, ќе може да ги затворат преговорите до 2027 година. Ова според Рама би било навистина неверојатно.
Државата наплати данок од над 2 милиони денари од донациите за настраданите во пожарот во Кочани
Иницијативата „Супорт Кочани“ ја реализираше третата распределба на средства собрани преку заедничката наменска сметка за донации. На лица директно погодени...
На минусни температури, 6.000 згради во Киев останаа без греење по синоќешниот руски напад
Речиси 6.000 згради во украинската престолнина Киев останаа без греење по синоќешниот руски напад, изјави градоначалникот на градот, Виталиј Кличко,...
Крвава ноќ во Калуѓерица, маж по расправија со девојка се прободел со кујнски нож
Д.Г. (40) се повредил со нож во пределот на стомакот по расправија со девојка. Инцидентот се случил во белградската населба...
Со понудени куќи, булдожери и милионска гаранција конзулот Марковски излезе од притвор
Куќа со двор и 3 стана во Битола, 25 булдожери и камиони, се гаранцијата која ја дал сопственикот на „Марковски...
По денешните протести, Синдикатот на „Македонска пошта“: Надминати се сите проблеми, декемвриската плата е исплатена
Незадоволството на вработените во Македонска Пошта денеска прерасна во организиран протест низ целата држава, а причина за ваквата реакција и...
(Видео) Се појавија првите снимки од денешната средба: разговорите меѓу САД, Украина и Русија во Абу Даби ќе продолжат утре
Трилатералните разговори меѓу САД, Украина и Русија, што се одржаа денес во Абу Даби, беа оценети како продуктивни и ќе...
(Видео) Зеленски: Разговорот веќе се одржа, долго време немало ваков трилатерален состанок
Украинскиот претседател Володимир Зеленски во своето видео обраќање извести за клучните дипломатски напори, ситуацијата на фронтот, енергетската криза и мерките...
Тошковски: СДСМ и ДУИ се длабоко заглавени во сопственото политичко мочуриште, во кое партиските калкулации се ставаат над човечките животи
Министерот за внатрешни работи, Панче Тошковски, преку свој статус на фејсбук се огласи по повод денешното изгласување на Законот за...
Со фалсисифкување документи го оштетил РЕК Битола за речиси 90.000 евра: кривична против управител на приватна фирма од Новаци
СВР Битола, до Основното јавно обвинителство Битола, поднесе кривична пријава против 46-годишниот М.Т. од Битола поради постоење основи на сомнение...
Најавен прекин на товарниот сообраќај на граничните премини од понеделник: МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција известува дека до Министерството за внатрешни работи е доставена...
(Видео) Левица за „Безбеден град“: Глобите да се пресметуваат според примањата
На денешната седница на Собранието, координаторот на пратеничката група на Левица, Борислав Крмов, најави дека во Законот за прекршоци, преку...
Фатон Сељами избран за нов Народен правобранител
Со поддршка од 89 пратеници, Собранието денеска во рамки на 65. седница го избра Фатон Сељами од Тетово за нов...
(Видео) Тренчевска: ВМРО-ЗНАМ ги одби сите амандмани на кривичниот законик, меѓу кои и членот за злоупотреба на службената положба
На денешната комисиска расправа, владејачката коалиција ВМРО-ЗНАМ ги одби сите амандмани на СДСМ за измените на Кривичниот законик, соопшти потпретседателката...
Системот „Безбеден град“ стартува од 1 февруари – Собранието ги усвои законските измени
Со 81 глас „за“ и 19 „против“ и воздржани, Собранието денеска го изгласа Предлог-законот за изменување и дополнување на Законот...
Филков: Случајот со апелациониот судија не е само скандал, тоа е симбол на длабока системска слабост
Министерот за правда Игор Филков на денешната прес-конференција се осврна на актуелните состојби во правосудството и пристапот на Министерството за...
Нема подигање пратки од Пошта, вработените протестираат за плата: ги минаа празниците и најдолгиот месец во годината без пари
Вработените во Македонска пошта од целата држава денес излегоа на протест преку кој побараа да им се исплати платата која...
Мицкоски: Без одржлива струја нема развој на вештачката интелигенција – градиме гасни интерконектори со две соседни држави
Македонија ги зајакнува преносните линии за електрична енергија и за гас, во однос на вештачката интелигенција. Се гради еден гасен...
СДСМ со пакет амандмани: промена на членот за злоупотреба на службената положба, без рок за конфискација и 48 часа за снимките од „Безбеден град“
Пратениците на СДСМ поднесоа повеќе амандмани на Предлог-законот за изменување и дополнување на Кривичниот законик. Како што соопштуваат од партијата,...
(Видео) Бурата „Ингрид“ пустоши низ Франција: бранови како згради, ветерот носи сè пред себе
Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот...
Аракчи му порача на Зеленски: На светот му е доста од збунети кловнови
Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му...
