Спорт
Гранде Пандев го потопи Милан
![](https://makfax.com.mk/wp-content/uploads/2016/11/ffe5f281-7bfc-4005-b5df-d7f5bbab3580.jpeg)
Македонскиот интернационалец Горан Пандев со прекрасен гол во 65-та минута од слободен удар и со асистенција на првиот гол која го постигна Диего Милито, беше еден од хероите на вечерта во Дерби дела Мадонина кое Интер го доби со 2:0 против Милан
Македонскиот интернационалец Горан Пандев со прекрасен гол во 65-та минута од слободен удар и со асистенција на првиот гол која го постигна Диего Милито, беше еден од хероите на вечерта во Дерби дела Мадонина кое Интер го доби со 2:0 против Милан.
Пандев веднаш постигнувањето на голот беше заменет со Тијаго Мота, бидејќи беше јасно дека не може да ги одигра сите 90 минути. Интер го одигра поголемиот дел од натпреварот со 10 фудбалери по исклучувањето на Весли Снајдер во 27-та минута, за саркастично аплаудирање кон судијата, а при крајот на натпреварот и со 9 фудбалери кога на Лусио, му беше покажан црвен картон поради играње со рака.
Тренерот на Интер, пак по натпреварот изјави дека неговиот тим, би победил и со 7 играчи на теренот. Во 91-та минута, по играњето со рака на Лусио, на Милан му беше доделен пенал, но Хулио Цезар го прочита Роналдињо, и мрежата на Интер остана недопрена.
Од Милано стигна веста, дека 51-годишен навивач починал на стадионот Џузепе Меаца по претрпениот срцев удар. Засега неидентификуваниот навивач, починал на патот до болница./крај/гол/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Кевендиш собори рекорд на најпознатата велосипедска трка
![](https://makfax.com.mk/wp-content/uploads/2024/07/kevendis.jpg)
Марк Кевендиш го собори рекордот по бројот на етапни победи на Тур д’Франс, и стигна до рекорден 35-ти етапен триумф во најпознатата велосипедска трка во светот.
39-годишниот спринтер од тимот на Астана, сега има една победа повеќе од легендарниот Белгиец Еди Меркс
Бидејќи етапата беше таканаречена рамна етапа, спринтерските способности на 39-годишниот Британец дојдоа до полн израз на целта.
Уште еднаш и убедливо на турнејата, тој стави до знаење зошто го нарекуваат ракета на островот Ман (роден е на тој остров во Ирското Море, кој е сопственост на британската круна).
Своите први етапни победи ги постигна во 2008 година.
Меркс е петкратен шампион на Тур, првиот беше во 1969 година, а последниот во 1975 година.
Французите се следни на вечната листа. Бернард Хино, исто така петкратен победник, имаше 28 успеси меѓу 1978 и 1986 година, а Андре Ледиќ, двократен победник во 1930-тите, 25 од 1927 до 1938 година.
Потоа доаѓа нивниот сонародник Андре Даригад со 22 успеси во 1960-тите (без тотален триумф), а во оваа галаксија тој исто така беше изразен спринтер како Кевендиш, додека другите се истакнаа и во бараните планински височини.
Спорт
Кецмановиќ се пласираше во третото коло на Вимблдон
Српскиот тенисер Миомир Кецмановиќ се пласираше во третото коло на Вимблдон откако по пет сета го победи Холанѓанецот Талон Грикспор со 3:2 (4:6, 7:6/7:4, 1:6, 6:2, 6:3).
Два часа и 54 минути траеше мечот меѓу Кечмановиќ, која е 52. тенисер во светот и Грикспор, кој е 27. на АТП листата.
Дуелот беше неизвесен, Кецмановиќ веќе го одзеде сервисот на холандскиот тенисер во вториот гем, но Грикспор успеа да возврати, а потоа наметна ритам со кој успеа да дојде до предност во сетовите.
Во вториот сет и двајцата беа сигурни на свој сервис, а победникот беше решен само во тај-брејкот, во кој на Кецмановиќ му помогна краткиот прекин поради дожд.
Во следниот натпревар Грикспор во најмала рака беше убедлив, препушти само еден гем на Кецмановиќ и со брејкови во вториот и шестиот гем ја врати предноста.
Во четвртиот гем од четвртиот сет, Кецмановиќ го одзеде сервисот на Грикспор, а потоа во осмиот гем ја искористи првата сет-поен на сервис на Холанѓанецот и повторно стигна до израмнување, добивајќи го решавачкиот сет.
Во петтиот долго време немаше брејкови, а потоа Кецмановиќ го одзеде сервисот на Холанѓанецот, а веќе во следниот гем ја искористи првата меч топка и се пласира во второто коло.
Во второто коло, Кецмановиќ ќе игра против подобриот од двајцата Италијанци Јанико Синер и Матео Беретини.
Спорт
Неочекуван пораз на Хрватската кошаркарска репрезентација
Кошаркарите на Нов Зеланд ја победија Хрватска со 90:86 во натпреварот од второто коло од квалификациската група Ц1 за Олимписките игри и на тој начин ги сочуваа шансите за пласман во полуфиналето на турнирот во Атина, на кој и покрај денешниот пораз, Хрватска се има веќе квалификувано.
Пред почетокот на последниот дел, Хрватска имаше пет поени предност (79:74), но Нов Зеланд успеа да направи голем пресврт во финишот и да оствари победа која ги остава во трка за место во полу- финале.
Кори Вебстер го предводеше Нов Зеланд до победата со 21 поен, Шеи Или имаше 18, Ајсаја Мориохаху-Лиф 14, Томас Џејмс Воданович 11 и Јаник Вецел 10.
Кај Хрватска најефикасен беше Ивица Зубац со 29 поени и 14 скока, Дарио Шариќ имаше 19, Марио Хезоња 16, Дарио Дрежњак 10, а Џелин Смит девет поени со пет асистенции.
Вчера Хрватска ја совлада Словенија (108:92) и поради +12 поени веќе обезбеди пласман во полуфиналето, но од кое место останува да видиме. Ако Нов Зеланд ја победи Словенија, Хрватска ќе биде втора, а Хрватска ќе остане прва доколку Словенија го победи Нов Зеланд со помалку од 29 разлика.
Доколку Словенија го декласира Нов Зеланд со повеќе од 29 поени, ќе го освои првото место.