Европа
Собири за поддршка на мигрантите и Грција, во Берлин, Рим и Париз
Повеќе илјади луѓе се собраа во саботата во Германија, Италија и Франција во знак на солидарност со бегалците кои доаѓаат во Европа и против мерките за штедење наметнати на Грција.
Повеќе од 3.700 луѓе според полицијата а 10.000 според организаторите, во поворка во германската престолнина Берлин ги поддржаа мигрантите во Европа и изразија противење на мерките за штедење коишто ги бараат од Грција нејзините доверители, објави локалната полиција.
Демонстрантите се собраа под мотото „Поинаква Европа“ на повик на разните лево ориентирани организации и опозициски партии Левица (Die Linke) и Зелени.
Поворката тргна од плоштадот Круцберг во раните попладневни часови кон Бранденбуршката капија. Мирната поворка ги истакна слоганите за поддршка на мигрантите на Светскиот ден на мигрантите, а беше скандирано „Без граници, без нации, прекинете ги депортациите, кажете гласно и јасно дека бегалците се добредојдени“, пренесува AFP.
Некои од учесниците во поворката носеа и грчки знамиња, давајќи поддршка за земјата којашто се наоѓа во критичната фаза од преговорите со меѓународните доверители и ѝ се заканува банкрот и излегување од еврозоната. „Неснослива е технократската, студена, неолибералната Европа којашто ја предводи Германија“, пишуваше на еден транспарент.
„Тука сме да ја спасиме нашата Европа, со имигрантите, со бегалците и Грција“, Европа мора да им припаѓа на сите, а не само на Германците и на банките“, изјави 66-годишен учесник на
Во Минхен се одржа митинг под мотото „Солидарност со Грција, заедно против европскиот диктат за штедење“, како и во француската престолнина Париз каде на протестот учествувале повеќе стотици луѓе.
Во италијанската престолнина Рим, пак, на дождливо време стотина лица пред Колосеумот се собра за поддршка на бегалците со паролата „Веднаш прекинете го масакрот“, како и со солидарност со Грција.
Прашањето на бегалците и мигрантите се заостри последните месеци во Европа по повеќето потонувања на бродови преполни со бегалци во Средоземното Море, секогаш со голем број мртви.
Европската унија наскоро ќе започне поморска операција за спречување на криумчарењето на луѓе на Медитеранот и се размислува за воведување квоти кои за распоредување на бегалците во секоја од земјите во Европската унија. Но таа идеја не е еднодушно прифатена во европските престолнини, па така во саботата во Братислава Словаците протестираа за бегалските квоти./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете со смрт. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за да не падне од креветче и никој да не го види или слушне неговиот плач.
Европа
Состојбата на Фицо е стабилна, забележително е благо подобрување, велат од болницата
Состојбата на словачкиот премиер Роберт Фицо по минатонеделниот атентат е стабилна со благо подобрување, соопштија денеска од болницата каде што е сместен Фицо.
„Состојбата на премиерот е стабилна со благо подобрување. Веруваме дека напредокот ќе продолжи“, соопшти болницата на платформата Х (Твитер), пренесе Ројтерс.
Фицо минатата среда беше застрелан од 71-годишниот писател Јурај Цинтула, кој веднаш беше приведен од полицијата.
Словачкиот премиер во тешка состојба беше пренесен во болницата каде му беше извршена операција.
Словачкиот суд во саботата одлучи Цинтула да биде задржан во притвор, а тој се соочува со казна од 25 години до доживотен затвор.
Европа
70-годишен маж застрелал девојче: му пречела вревата во дворот во Германија
Мајката Алиса Карина не можела да насети дека нејзиното дете од дворот ќе и се врати со рана на десната рака, бидејќи со однесувањето наводно ја налутило соседот Карл Хајнц М.(70) од Германија, па ја застрелал со воздушна пушка.
„Ќерка ми Мајли дојде од соседното игралиште викајќи: „Мојата рака, мојата рака!“, а потоа и видов дупка на надлактицата“, вели Алиса.
Остар проектил од воздушна пушка завршил длабоко во десната рака на Мајла, поради што имала комплицирана лекарска интервенција.
Соседот Карл-Хајнц М. (70) во вторникот се појавил пред судот во Бад Сегеберг каде рекол дека „пукал во врапче“.
„Не пукам во деца кои си играат. Имав проблем со врапче“, објаснил соседот во судот.
Порано се обидувал да ги исплаши птиците со петарди. Полицијата му запленила воздушна пушка и муниција, пренесува „Билд“.
Мајли е тешко болно девојче на кое му е дијагностициран тумор на мозокот и боледува од неизлечива болест неврофиброматоза, која предизвикува болни израстоци да се појавуваат како промени во нервното ткиво.
„Би сакал да ви се извинам за мојата глупост“, рекол соседот Карл и се согласил на итна исплата на отштета од 7.500 евра за девојчето, а судот го осудил на 16 месеци условна затворска казна, пренесува „Телеграф“.