Свет
Потребни се критериуми за оценување на судиите
При изборот на претседатели на судовите треба да се изградат посебни критериуми за тоа кој може да се кандидира и кој од кандидатите да биде избран, побара вчера Ленче Софрониевска, претседателка на Републичкиот судски совет (РСС).
При изборот на претседатели на судовите треба да се изградат посебни критериуми за тоа кој може да се кандидира и кој од кандидатите да биде избран, побара вчера Ленче Софрониевска, претседателка на Републичкиот судски совет (РСС).
– Бројот на решените и на нерешените предмети на судијата-кандидат, неговиот однос кон странките и кон институциите, моралната димензија, едукацијата и познавањето странски јазици се важни критериуми при изборот на претседател на суд. Со уставните измени, судскиот совет ќе има поголеми надлежности и затоа мора конкретно да се знаат и критериумите за претседателските места – рече Софрониевска на вчерашната работилница „Менаџирање со судовите“ финансирана од мисијата на ОБСЕ во соработка со РСС.
Таа рече дека мал број од тие што годинава конкурирале за претседатели на 11 основни судови, поднеле и програма во која ќе објаснат што планираат да сработат за време на мандатот.
– Според тоа што предвиделе, а што оствариле, ќе се следи и нивниот квалитет – рече Софрониевска.
Поранешниот член на РСС Љупчо Арнаудовски рече дека речиси половина од судиите се кандидираат да бидат претседатели на судовите, а тоа подоцна создава ривалство меѓу нив.
Во наредната недела, РСС ќе организира колегиум во оние судови каде што нема претседатели за тие поблиску да се запознаат со кандидатите.
Овој месец им заврши мандатот на претседателите на 12 основни суда во земјава, а според Софрониевска, новите ќе се изберат најдоцна до февруари наредната година.
М.Ј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.