Спорт
Панатенаикос го презеде првото место од Олимпија
Средбата во Д групата на Евролигата во кошарка меѓу Панатенаикос и Унион Олимпија заврши нерешено 79:79. Во продолжението домашните подобро се снајдоа и победија со 95:88. Со оваа победа грчкиот тим ја претекна Олимпија на табелата од групата. Најдобри кај атињаните беа Димитрис Дијамантидис со 16 поени и 11 асистенции и Андонис Фоцис со 17 поени и 9 скокови. Во словенечкиот тим најдобар беше Кени Грегори со 19 поени, а Владо Илиевски беше втор стрелец со 16 поени и 6 асистенции.Резултати од 9 декември: Група А: Асеко Проком – Жалгирис 69:72, Макаби Т.А. – Партизан 76:62, Каха Лаборал – Кимки 89;81 Табела: Макаби Т.А. 7-1, Жалгирис 5-3, Партизан 4-4, Каха Лаборал 3-5, Кимки 3-5, А. Проком 2-6.Група Б: Уникаха – Олимпијакос 76:74, Реал М. – Лотоматика 72:50 Табела: Олимпијакос 5-3, Реал 5-3, Уникаха 5-3, Лотоматика 4-4, Шарлроа 3-5, Брос Баскетс 2-6.Група Ц: Литвос Ритас – Шоле 92:80, Фенер Улкер – Регал Барса 69:75 Табела: Монтепаски 7-1, Фенер Улкер 6-2, Регал Барса 6-2, Шоле 3-5, Л. Ритас 2-6, Цибона 0-8.Грушпа Д: панатенаикос – У. Олимпија 95:88 Табела: Панатенаикос 6-2, У. Олимпија 5-3, Армани 4-4, Ефес 4-4, Валенсија 3-5, ЦСКА 2-6.крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.
Спорт
Ѓоковиќ ќе биде број 1 сигурно до 10 јуни
Српскиот тенисер Новак Ѓоковиќ во понеделникот ја започна 424-та недела како број еден на АТП листата. Со други зборови, освојувачот на 24 Грен слем титули е најдобар тенисер на планетата повеќе од осум години.
За дополнително да се илустрира надмоќта на најуспешните на сите времиња, треба да се каже дека Новак сега има точно 200 недели како број 1 по неговиот 30-ти роденден. За споредба, Рафаел Надал има вкупно 209 недели на врвот на АТП листата во целата своја кариера.
Она што е уште повпечатливо е што на владеењето на Ѓоковиќ не му се гледа крајот и покрај тоа што има 37 години. Второпласираниот на АТП ранг листата Јаник Синер поради повреда на колкот нема да учествува на Мастерсот во Рим, па математички никој нема да може да го претекне Ѓоковиќ до 10 јуни.
Младиот италијански ас поради повреда се откажа од Мастерсот во Рим, а неизвесен е и за Ролан Гарос. Ѓоковиќ обезбеди да биде на врвот вкупно 428 недели.
АТП листа:
1. Новак Ѓоковиќ 9.990
2. Јаник Синер 8.860
3. Карлос Алкараз 7.345
4. Данил Медведев 7.195
5. Александар Зверев 5.435
6. Андреј Рубљов (+2) 4.740
7. Касепер Руд (-1) 4.535
8. Стефанос Циципас (-1) 3.860
9. Хуберт Хуркач 3.730
10. Григор Димитров 3.605
Спорт
Спортинг ја освои титулата во Португалија
Фудбалерите на Спортинг од Лисабон вторпат во последните три години ја освоија титулата во Португалија.
Екипата од Лисабон на две кола пред крајот на првенството има недостижни осум бода повеќе од Бенфика која во неделата вечерта беше поразена на гостувањето кај Фамаликао со 2:0.
Спортинг го одработи својот дел во саботата со победата од 3:0 против Портимоненсе, а Фамаликао потоа направи преостанатите две кола да бидат формалност во борбата за титулата.
Клубот од Лисабон го освои 20. шампионски пехар и се наоѓа на третото место на вечната листа зад Бенфика (38) и Порто (30).