Македонија
Ленка: Алсат ги крши работничките права

Отказот на новинарката Тамара Чаусидис, претседателка на независниот синдикат на новинари и медиумски работници (НСНМР), поради своите синдикални активности, претставува најстрого кршење на работничките права од страна на раководството на телевизија АЛСАТ,
Отказот на новинарката Тамара Чаусидис, претседателка на независниот синдикат на новинари и медиумски работници (НСНМР), поради своите синдикални активности, претставува најстрого кршење на работничките права од страна на раководството на телевизија АЛСАТ, реагираат од Движењето за социјална правда – ЛЕНКА. Од ЛЕНКА велат дека потпишувањето на бланко отказ при вработување на работниците стана пракса кај многу од работодавците, со тоа што тие ги условуваат работниците доколку сакаат да се вработат, освен договорот за вработување, да мораат да потпишат и спогодба за прекин на работниот однос (без наведен датум) со што работодавецот би се заштитил од работникот во било кое време кога работникот ќе проба да си ги одбрани правата кои му следуваат по Закон. Освен тоа, работниците добиваат и вербални закани со намера да бидат замолчувани, потиснати и на крајот избркани од работа, реагираат тие. „Ова не е еден изолиран проблем. Тенденција е да се исклучуваат сите работници, во овој случај новинари, кои преземаат акции и јавно говорат за недостатоците и неправилностите на работењето на нивните работодавци. Тамара Чаусидис е претседателка на НСНМР и е заштитена согласно одредбите на Законот за работни односи“, се вели во реакцијата на ЛЕНКА. Тие порачаа дека е крајно време работниците да се солидаризираат и да се кренат против „ова непишано правило кое ги држи во заложништво“ и упатија апел до трудовата инспекција и МВР да бидат подготвени да реагираат и да стават крај на оваа појава./крај/со/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Уапсени две лица во Куманово и Тетово за предизвикување на пожар

Денеска во 18.30 часот полициски службеници од СВР Куманово го уапсија С.С.(57) од Куманово поради потоење основи на сомнение за сторено кривично дело “предизвикување на општа опасност”.
Имено во населбата Рајкова куќа кон с.Никулски пат предизвикал пожар при што опожарени биле сува трева, патничко возило “ауди”, напуштена куќа и ниви.
Исто така во 20.00 часот на место викано Брест атар на с.Челопек полициски службеници од Полициското одделение Жеровјане го лишиле од слобода И.М.(41) од с.Челопек поради постоење основи на сомнение за подметнување на пожар. Се преземаат мерки за расчистување на случајот по што ќе следи соодветен поднесок.
Македонија
Активни се шест пожари во Македонија

Денеска до 18 часот, на територијата на Македонија имало вкупно 27 пожари на отворен простор, од кои активни се 6 пожари, еден е под контрола и изгаснати 20 пожари, информира Центарот за управување со кризи.
АКТИВНИ: 6
1. Општина Македонски Брод 1: Повеќенаменското подрачје „Јасен“ (мешана шума)
2. Општина Македонски Брод 2: с. Девич – с. Грешница (ниска вегетација)
3. Општина Јегуновце: помеѓу селата Рогачево и Јажинце (пасишта)
4. Општина Брвеница: с. Челопек и с. Милетино (нискостеблеста шума)
5. Општина Кичево 1: с. Аранѓел (стрниште)
6. Општина Кичево 2: с. Мало Церско (ниска вегетација)
ПОД КОНТРОЛА: 1
1. Општина Струга: место викано „Октишка Краста“ (ниска вегетација)
ИЗГАСНАТИ: 20
1. Општина Демир Хисар: с. Мало Илино (дабова шума)
2. Општина Струга 1: место викано „Бегова Шума“, с. Делогожда (ниска вегетација и мешана шума)
3. Општина Делчево: с. Очипала (ѓубриште и ниска вегетација)
4. Општина Куманово 1: ул. Ѓорче Петров (ѓубре)
5. Општина Куманово 2: с. Романовце (ниска вегетација)
6. Општина Куманово 3: кај месна индустрија „Никси“ (ниска вегетација)
7. Општина Куманово 4: нас. Карпош (ниска вегетација)
8. Општина Старо Нагоричане: с. Челопек (ниска вегетација и стрниште)
9. Општина Сарај 2: с. Радуша кон с. Дворце (ниска вегетација)
10. Општина Арачиново: с. Арачиново (ниска вегетација)
11. Општина Арачиново 2: с. Орланци (ѓубриште)
12. Општина Сопиште: с. Св. Петка (ниска вегетација)
13. Општина Шуто Оризари: ул. Брсјачка Буна (ѓубриште)
14. Општина Желино: с. Групчин (ниска вегетација)
15. Општина Тетово: с. Селце (ниска вегетација)
16. Општина Тетово 2: кај ресторан „Сирич“ (ѓубриште)
17. Општина Гостивар: с. Чегране (ниска вегетација)
18. Општина Прилеп: с. Дабница (ниска вегетација)
19. Општина Ресен: с. Дрмени (ниска вегетација)
20. Општина Чешиново – Облешево: с. Теранци (ниска вегетација)
Македонија
Големиот пожар кај струшко Октиси ставен под контрола

Директорот на Центарот за управување со кризи, Мухамед Али, и заменик-министерот за земјоделство, шумарство и водостопанство, Албрим Хоџа, се присутни на терен кај селото Октиси, каде што беше активен голем пожар.
Од Центарот за управување со кризи информираат дека пожарот, иако имал големи размери, е ставен под контрола, но на одредени места сè уште има чадења кои се внимателно следени од екипите на терен.
Во гаснењето дејствува и авион „Ер трактор“ од ДЗС, кој интервенира од воздух, како и шестмина пожарникари и едно противпожарно возило од ТППЕ – Струга, 10 лица од Јавното претпријатие „Македонски шуми“, две возила „Пинцгауер“ од ДЗС и локални жители.
„Благодарение на навремената интервенција, координацијата на сите служби и несебичната помош на локалното население, спречено е ширење на пожарот кон населени места“, велат од ЦУК.