Свет
Глобалните претплати за паметните телефони ќе надминат шест милијарди во 2020-та
Бројот на претплатите на паметните телефони на глобално ниво повеќе од двојно ќе се зголемат до 2020 година и ќе надминат шест милијарди, што ќе претставува деветкратно поголем мобилен сообраќај на податоци, прогнозираше во средата шведскиот произведувач на телекомуникациска опрема Ericsson.
До крајот на 2020 година бројот на претплатите на паметните телефони во светот ќе достигне 6,1 милијарди, во споредба со 2,6 милијарди претплати во минатата 2014 година, прогнозираат во светскиот гигант во сегментот на производство на телекомуникациска опрема. Со тоа би се создале и услови за деветократно поголем мобилен сообраќај на податоци во истиот период, проценуваат од Ericsson.
„Софистицираната мобилна технологија ќе биде глобално сеприсутна до 2020 година, со тоа што 70 отсто од луѓето ќе користат паметни телефони, а 90 отсто ќе бидат покриени со мобилни мрежи за широкопојасен пристап на интернет“, се вели во полугодишниот извештај на шведската компанија за мобилните телекомуникации.
Тоа значи и дека прогнозата на Ericsson не се менувала побитно во однос на онаа од ноември минатата година.
Во шведската компанија, исто така, очекуваат дека благодарејќи на видеото ќе го зголемат својот удел во вкупниот мобилен сообраќај на податоци за 60 отсто до 2020-та, во однос на околу 45 отсто во 2014 година. Со тоа е благо подигната прогнозата од ланскиот ноември, во којашто беше прогнозиран раст на овој удел од 55 отсто./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.