Македонија
Продолжени без ограничување мандатите на 131 јавен обвинител
Советот на јавни обвинители донесе одлука за продолжување на мандатот без ограничување на 131 јавен обвинител, а 15 заради нестручно работење, недолично однесување или заради старосна пензија не им е продолжен мандатот. Меѓу оние што нестручно работеле е и скопскиот јавен обвинител Стерјо Зиков
Од вкупно поднесените 146 барања на обвинителите за продолжување на мандатот без ограничување, Советот на јавни обвинители донесе одлука за продолжување на 131 мандат, а без продолжен мандат останаа 15 обвинители. „Барање на избор без ограничување на траење на мандатот поднесоа вкупно 146 јавни обвинители , од кои 15 носители на функцијата основен јавен обвинител . Од вкупниот број на поднесени барања , советот одлучи на 131 јавен обвинител да им го продолжи без ограничување траењето на мандатот , а на 15 јавни обвинители мандатот не им продолжен .“, изјави денеска Елена Гошева, претседател на Советот на јавни обвинители. Таа истакна дека на пет јавни обвинители мандатот не им е продолжен поради исполнување на услови за старосна пензија, на осум поради нестручно и несовесно вршење на функцијата јавен обвинител и на двајца поради недостојно однесување во врска со извршувањето на функцијата. На една од предходните седници на Советот, вкупно 28 јавни обвинители во јавните обвинителства на Македонија и во вишите јавни обвинителства во Скопје, Битола и Штип биле избрани за јавни обвинители без ограничување на траење на мандатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.