Успешно беше реализирана во неделата Женската трка, во организација на Сојуз на спортови на Скопје, под покровителство на Град Скопје, која по третпат се оддржуваше во Градскиот парк, чија цел е превенцијата од заболувањата започнете ја со вежбање.

Тоа беше доволен мотив за илјада жени да трчаат на патеката „полна здравје“, иако дождот втора година по ред сакаше да им пркоси на дамите. Трката беше од ревијален карактер, со Аеробик час од 30 минути и 1000 метри патека за трчање значеше дека сите учеснички беа победници кои се залагаат за превенција од заболувања. Награди им беа доделени на најсреќните припаднички на понежниот пол кои беа извлечени на наградната игра по завршувањето на трката.

„Ова е начин на кој жените покажаа дека здравјето е нивен приоритет. Денешната Женска трка со бројка од околу илјада жени, беше доказ дека припадничките на понежниот пол кај нас знаат како да се грижат за своето здравје“, рече Гордана Николовска од Сојуз на спортови на Скопје.

„Овие жени, кои денеска земаа учество на Женската трка, е успешна приказна која тие самите ја докажуваат за себе. Едно големо браво за сите девојки кои денес трчаа на патеката која за нив значеше здравј“ дополни Кире Синадиновски од „Виз Ер Скопски Маратон”.

Денешниот настан е начин на кој жените покажаа дека вежбањето, забавата и наградите одат заедно. Успешно реализираната Женска трка претставуваше всушност најава за „Виз Ер Скопски Маратон“, кој ќе се оддржи на 10-ти мај, за кој пријавувањето е во тек./крај/мф/мг

Извор: Макфакс