Свет
Над 700 тужби против Македонија чекаат правда во Стразбур
Само за три месеци од 2007 година судот
во Стразбур досудил две пресуди на штета на државата, а
една од тужбите против Македонија била отфрлена како неоснована
СПОРЕД ЕВРОПСКИОТ СУД ЗА ЧОВЕКОВИ ПРАВА
Само за три месеци од 2007 година судот
во Стразбур досудил две пресуди на штета на државата, а
една од тужбите против Македонија била отфрлена како неоснована
Над 700 тужби против Македонија годинава чекаат судска разврска пред
Европскиот суд за човекови права во Стразбур. Се очекува тужбите да бидат
разгледани до крајот на 2007 година. Иако голем дел од тие тужби ќе бидат
отфрлени, најчесто поради нецелосна документација, сепак, статистиката покажува
дека расте бројот на пресуди против државата пред судот во Стразбур.
Македонски државјани се’ почесто ја тужат државата во Стразбур за кршење на
човековите права, незадоволни што македонските судови со години не можат да
донесат правосилна одлука. Најновата анализа на Европскиот суд покажува дека за
годинава има 726 тужби во кои е тужена државата Македонија. Само за три месеци
од 2007 година судот во Стразбур досудил две пресуди на штета на државата, а
една од тужбите против Македонија била отфрлена како неоснована.
Според судијката Маргарита Цаца-Николовска, судија во Европскиот суд, бројката
на тужби против Македонија е голема ако се земе предвид бројот на жители во
државата.
Во минатата година судот во Стразбур пресудил дури 8 случаи против Македонија.
Ако се споредат податоците со изминатите осум години, тогаш ќе се утврди дека
лани биле донесени над 60 отсто од сите пресуди против Македонија.
Првата пресуда против државата била донесена во 2001 година. Во наредната
година имало еден случај на спогодбена одлука меѓу државата и тужителот.
Оттогаш дури три години Македонија не загубила ниту една тужба пред судот во
Стразбур. Во 2005 година Европскиот суд четири пати и’ пресуди на бавната
правда на македонските судови. Двојно повеќе пресуди Македонија загуби лани.
Според македонскиот Хелсиншки комитет, загубените пресуди во 2006 година
Владата на Македонија ќе ја чинат околу 90.000 евра.
БАВНОТО СУДСТВО ЈА ПРАЗНИ ДРЖАВНАТА
КАСА
Најчеста причина поради која македонските граѓани се одлучуваат да ја тужат
сопствената држава е неефикасноста на судскиот систем. Бавното судство е
рак-рана поради која се губат предмети во Стразбур, тврдат и во државниот
Управен инспекторат.
– Најчесто апликантите од Македонија се жалат на должината на судските
постапки, но има тужби и по други повреди на Европската конвенција за човекови
права – вели судијката Маргарита Цаца-Николовска.
Во Хелсиншкиот комитет на Македонија велат дека одолжувањето на судските
постапки во Македонија најчесто е поради бавноста во одлучувањето на Врховниот
суд. Во Комитетот тврдат дека основните проблеми се пасивноста на органите на
судската власт, лошата организација на судството, пинг-понг со судските
предмети, неажурност и други проблеми.
– Европскиот суд нема утврдено точно колку време е потребно да помине пред
донесување конечна судска одлука за една постапка да се води како судење во
неразумен рок. Судот, сепак, има воспоставено стандарди во делот на повреда на
правото на судење во разумен рок, кое е условено од вкупното траење на
постапката – вели Јелена Јовановска-Брезоска, надворешна соработничка на
Комитетот.
СЕ ЧЕКА ОДЛУКА ЗА ТУЖБИ ОД
2001 ГОДИНА
Доказ дека и Европскиот суд за човекови права во Стразбур долго време ги решава
процесите против државите е фактот што пред судот во моментов се одлучува за
тужби од 2003 и 2004 година, но има и голем број преостанати предмети од 2001
година.
Двата предмета против Македонија за кои годинава беше одлучено потекнуваат од
2001 година. Во првиот случај, Европскиот суд за човекови права во Стразбур ја
осуди Македонија на парична казна од над 12.000 евра за полицискиот ќотек врз
штипјанецот Јашар Перушан, што се случил пред седум години. Во вториот случај,
пензионерот Томислав Доцевски (74) од Куманово доби спор против државата
бидејќи Врховниот суд на Македонија осум години одлучувал дали тој може да
добие поголема пензија од онаа што му ја доделил Фондот за пензиско и
инвалидско осигурување. Судот во Стразбур нему му досуди 3.600 евра за
нематеријална отштета, а остатокот од неговите барања биле отфрлени.
Се очекува бројот на тужби против Македонија да расте во наредните години.
Александар Манасиев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Откако пред неколку месеци купи „Тесла“, Трамп денес рече дека не сака електричен автомобил
Претседателот на САД, Доналд Трамп денес изјави дека не секој сака електричен автомобил, па ни тој не сака. Ова се случува во период кога веќе извесно време се води борба на социјалните мрежи меѓу него и неговиот до неодамна близок соработник, основачот на „Тесла“ и милијардер Илон Маск.
„Не секој сака електричен автомобил. Јас не сакам. Можеби сакам бензински автомобил, можеби хибрид, можеби еден ден водороден. Но, има еден проблем со водородниот автомобил, тој експлодира. Па би можел да му го дадам на Питер, нека го земе“, се пошегува Трамп.
Пред помалку од четири месеци, претседателот Доналд Трамп купи „Тесла“. Потоа Трамп објави видео од себе како влегува во црвениот автомобил пред Белата куќа.
Зборувајќи покрај Илон Маск, кој му го предаде автомобилот, тој рече дека купува „Тесла“ затоа што е одличен производ и затоа што Маск „ја посветил својата животна енергија на ова“.
„Мислам дека мала група луѓе се однесуваат многу лошо кон него, сакам да знаат дека не можете да казните некого затоа што е патриот, а тој е патриот“, рече Трамп, додавајќи дека не знае за ниедна таква успешна компанија за нови автомобили во последните 30 години.
Свет
Човечката нога најдена на плажа во Шкотска му припаѓа на тело пронајдено во Ирска
Ногата пронајдена на плажа во Јужен Ершир, Шкотска, му припаѓа на тело пронајдено на брегот на Северна Ирска во мај.
Полицијата во Шкотска почна истрага откако човечки екстремитет беше откриен на плажа во Прествик на 10 јуни. Тие сега објавија дека останките се „идентификувани како на исчезнато лице надвор од Шкотска“, објавува „Скај њуз“.
Полицијата во Северна Ирска, исто така, потврди дека го идентификувала телото на маж пронајдено во Милисл, округ Даун. Сепак, истражителите не веруваат дека починатиот маж бил од северна Ирска и дека неговата смрт не се третира како сомнителна.
„Полициската служба на Северна Ирска може да потврди дека телото пронајдено во областа Донагади Роуд во Милисл во среда, 21 мај, е идентификувано“, се вели во соопштението.
„Утврдено е дека станува збор за маж, а полицијата е во контакт со семејството на починатиот“, се додава во соопштението.
Свет
Руското министерство: Азербејџан се однесува непријателски
Руското Министерство за надворешни работи објави дека доставило протестна нота до амбасадорот на Азербејџан во Москва по апсењето на руски новинари во Баку, што го нарече непријателска акција од страна на Баку.
Во соопштение за медиумите, Министерството го обвинува Баку за преземање намерни чекори за влошување на билатералните односи. Москва реагира откако еден ден претходно азербејџанската полиција ги претресе просториите на руската телевизиска станица Спутник. Баку тврди дека се уапсени двајца вработени во руската разузнавачка служба ФСБ, додека Москва е убедена дека станува збор за новинари.
Односите меѓу Москва и Баку се затегнати веќе некое време. Влошувањето е делумно последица на соборувањето на азербејџанскиот патнички авион над чеченскиот главен град Грозни кон крајот на 2024 година, во кое загинаа 38 лица. Рускиот претседател Владимир Путин мораше да му се извини на својот азербејџански колега Илхам Алиев.
Повод за најновите тензии беше бранот апсења на етнички Азербејџанци во рускиот град Екатеринбург за време на викендот, кога беа уапсени околу 50 лица.
Фото: ЕПА
Сиљановска-Давкова се сретна со шпанскиот премиер Педро Санчез
Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...
(Фото) Запленети околу 100 килограми марихуана во Струмица, уапсени три лица
Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...
Филипче: Не е време за калкулации, ниту за ситнопартиски интереси, СДСМ останува силен промотор на европската идеја
Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...
Уписот во средно в година ќе биде подигитален од годинешниот: родителите нема да трчаат да ги скенираат свидетелствата, тие дигитално ќе се преземаат
Годинешното дигитално пријавување во средните училишта значеше само повеќе мака и ангажман на родителите во споредба со претходните уписи. Иако...
(Видео) Мицкоски: Не прифаќаме наметнувања под маска на европскиот процес
Не прифаќаме наметнувања под маска на европскиот процес, изјави премиерот Христијан Мицкоски, на заедничката прес – конференција со еврокомесарката за...
Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник
Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...
Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава
Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...
Трамп остро му одговори на Маск: Без субвенции, би се вратил дома, во Јужна Африка
Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...
Маск жестоко го нападна законот на Трамп: „Ќе изгубат, дури и ако ми е последно“
По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...
Трамп потпиша укинување на санкциите против Сирија
Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се...
Палестинците во Газа протестираа со фотографии од убиени израелски деца
Група Палестинци во Појасот Газа покажаа слики од израелски деца убиени од Хамас на 7 октомври 2023 година, за време...
Мицкоски-Кос: нагласена определбата на Владата за интеграција во ЕУ, достоинствено и преку спроведување на суштински реформи
Премиерот Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во...
Достапни се лековите за третман на онколошки заболувања, сите пациенти ја добиваат потребната терапија, вели директорот
Од Клиниката за радиотерапија и онкологија информираат дека сите пациенти ја добиваат потребната терапија и дека се достапни лековите за...
Нема повредени лица во запалениот глисер во Охридското Езеро
Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...
(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина
СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...
Директор и вработени во Општината и во Министерството пустошеле во Националниот парк Маврово, заработиле над 3 милиони денари
Полицијата поднесе кривична пријава за вработен во Општина Маврово Ростуше, директор во ЈУ Национален парк Маврово, раководител на одделение за одржливо...
Пожар на глисер во Охрид
Утрово се запали глисер во Студенчишкиот Канал во Охрид. Според првичните информации, пламенот се појавил кога сопственикот го стартувал моторот,...
Муртезани: 150 институции и над 800 експерти ќе учествуваат во подготовката на преговарачките позиции со ЕУ
Пред една година започнавме со јасна цел: да ѝ дадеме нов импулс на европската агенда на земјава. Денес, по 12...
Опасен пожар во близина на границата со Грција: се слуша пукање од муниција, постои опасност од неоткопани гранати
Пожар се шири во близина на границата со Грција. Од Центарот за управување со кризи велат дека пожарот се развива на...
Латас го спомена таткото на Костадин Костадинов, па доби закана: „Цела фамилија те чекаме, со наш суд“
Навреди и закани помеѓу Драган Павловиќ-Латас и струмичкиот градоначалник од СДСМ, Костдин Костадинов, откога новинарот во јавно излагање на поткаст...
