Свет
Повеќе од 200 луѓе уапсени на протестите во Лондон
Повеќе од 200 лица се уапсени во судирите меѓу полицијата и демонстрантите во Лондон во текот на ноќта, за време на протестите по повод предвидените владини мерки за штедење.
Повеќе од 200 лица се уапсени во судирите меѓу полицијата и демонстрантите во Лондон во текот на ноќта, за време на протестите по повод предвидените владини мерки за штедење.
Би Би Си повикувајќи се на полицијата, прецизира дека се уапсени 214 лица поради кршење на јавниот ред и мир.
Повредени се 66 лица, од кои 31 полицаец, а 11 се задржани на болничко лекување, додава Би Би Си, наведувајќи дека се работи претежно за лесни повреди.
Повеќе од 250.000 луѓе вчера на протестите поради острите мерки за штедење кои ги предложи владата на Велика Британија со цел намалување на пораснатиот буџетски дефицит.
Демонстрациите, веројатно најголеми по протестите кои се одржаа по повод војната во Ирак, поминаа главно мирно, а атмосферата на протестите била карневалска, со музика, големи екрани и претстави во Хајд парк, наведува АП.
Лондонската полиција потврди дека повеќе од 250.000 луѓе мирно прошетале низ градот, а околу 500 предизвикувале нереди.
Десетици демонстранти ги гаѓале полицајците со шишиња и светилки полни со амонијак, а во центарот на Лондон се уништени излози и предизвикани се неколку пожари.
Во протестите учествуваа наставници, медицински сестри, пожарникари, вработени во јавниот сектор, студенти, пензионери и активисти по повод најавите на Владата за намалување на буџетот од 80 милијарди фунти или 91 милијарди евра.
Владата веќе зголеми дел од даноците, а намалувањата во јавниот сектор се очекуваат во април.
Се очекува затворање на околу половина милион работни места и укинување на околу 20 милијарди евра за социјална помош, а старосната граница за заминување во пензија до 2020 година ќе биде зголемена на 66 години./крај/бета/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.