Регион
Рим и Тирана работата на спречување отворање нова мигрантска рута
Италија и Албанија тесно соработуваат на спречувањето отворање нова мигрантска рута преку грчко-албанската граница, изјави во саботата во грчката престолнина Атина, италијанскиот државен секретар за европски работи, Сандро Гоѕи.
„Рим и Тирана работат на спречувањето нова рута на прилив преку грчко-албанската граница. Немаме забележано значително зголемување на приливот преку Албанија, но важно е да се зајакне соработката со Албанија“, појасни италијанскиот државен секретар за европски работи, Сандро Гоѕи на заедничката прес-конференција во Атина на шесте европски министри кои дојдоа во Грција да ја утврдат состојбата со мигрантската криза.
Се стравува дека Албанија, којашто граничи со Грција во која останаа блокирани повеќе десетици илјади мигранти по затворањето на македонско-грчката граница, може да претставува алтернатива за нивните настојувања да заминат кон западот на Европа.
Шесте европски министри, на Франција, Малта, Италија, Холандија, словачка и Португалија, пристигнаа во петокот во Атина а во саботата заминаа во Турција, главната земја за влез на мигрантите во Европската унија преку грчките острови.
Холандскиот министер за надворешни работи, Берт Коендерс, чијашто земја во моментов претседава со ЕУ, ја гарантираше поддршката на Унијата за Грција за примената на договорот ЕУ-Турција , потпишан на 18-ти март о Брисел, кој започна да се применува од оваа седмица со испраќањето на од грчките острови на повеќе стотици мигранти назад во Турција. Тој ги повика земјите членки на ЕУ да покажат солидарност во мигрантската криза.
Албанските власти неодамна ја зголемија контролата на границата со Грција за да го спречат неконтролираниот прилив на мигранти, откако беше затворена ткн балканска мигрантска рута којашто минува низ Македонија и Србија. ЕУ на Албанија ѝ вети помош, доколку стане цел на мигрантски бран./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србија се соочува со сериозен недостиг на работници во автосервисите
Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии.
Побарувачка за механичари и машинисти
Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство.
Проблеми со незаконската работа
Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.