Спорт
Ванкувер резултати од деветиот ден
Карлинг (жени): Велика Британија- Швајцарија 8:10, Германија – Данска 5:6, Канада- САД 9:2, Русија- Јапонија 9:12, Кина- Канада 6:5, Јапонија- Германија 6:7, САД- Шведска 3:9.
Карлинг (жени): Велика Британија- Швајцарија 8:10, Германија – Данска 5:6, Канада- САД 9:2, Русија- Јапонија 9:12, Кина- Канада 6:5, Јапонија- Германија 6:7, САД- Шведска 3:9.
Биатлон 15 километри масовен старт (мажи): Евгениј Устјугов од Русија освои злато со финално време од 35.35.07, пред Мартин Фуркад од Франција кој освои сребро, а Павол Хурајт од Словачка, освои бронза.
Хокеј на мраз група Б (мажи): Русија- Чешка 4:2, Канада- САД 3:5.
Хокеј на мраз Група Ц (мажи):Шведска- Финска 3:0.
Боб – санкање парови (мажи): Кевин Куске и Андре Ланге од Германија освоија злато вкупно време од 3.26. 65, Ричард Андреј и Томас Флоршеуц исто така од Германија освоија бронза, а Александар Зубков и Алексеј Воевода од Русија освоија бронза.
Алпско скијање супер комбинација (мажи): Боде Милер од САД освои злато со време од 2.44. 92, Ивица Костелиќ од Хрватска освои сребро а Силван Зурбриген од Швајцарија освои бронза.
Биатлон 12.5 километри масовен старт (жени): Магдалена Нојнер од Германија освои злато со време од 35.19.06, пред Олга Заитсева од Русија и Симон Хаусвалд од Германија која освои бронза.
Слободно скијање ски крос (мажи): Мајкл Шмид од Швајцарија освои златен медал, Андреас Мат од Австрија освои сребро а Аудун Гроенволд од Норвешка освои бронзен медал.
Карлинг (мажи): САД- Велика Британија 2:4, Норвешка- Шведска 7:8, Швајцарија- Канада 4:6, Данска- Германија 9:5./крај/ванк/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Струга ги врати Шкупи и Шкендија во борба за титулата, реми во скопското дерби, Вардар загуби во Струмица
Шкендија и Шкупи го искористија поразот на Струга и се вратија во борбата за шампионската титула.
Шкендија на домашен терен убедливо го порази Гостивар со 4:1, Шкупи со пресврт и со гол во 97.минута славеше над Тиквеш, а бранителот на трофејот Струга загуби од Силекс 2:3, и покрај тоа што имаше водство од 2:0.
По 29 рунди Струга и Шкупи имаат по 58 бода, три повеќе од Шкендија.
Интересно до крајот на сезоната ќе биде и во борбата за опстанок. АП Брера се чини дека го обезбеди опстанокот откако славеше над Вардар 2:0. Црвено-црните се во бараж зоната имаат пет бода помалку од Воска спорт, која убедливо гја победи Брегалница со 4:0 и шест помалку од Работнички.
„Романтичарите“ во градската пресметка со Македонија ЃП одиграа 1:1.
Резултати, 29.коло:
АП Брера-Вардар 2:0
(Цветаноски 24’)
Работнички-Македонија ЃП 1:1
(Билали 66’ – Ларсон 45+3’)
Струга-Силекс 2:3
(Ибраими 23’, Радески 34’ – Игњатов 36’, 48’, Каланоски 52’)
Шкендија-Гостивар 4:1
(Шала 2, 9’, Адеми 54’, Цинари 88’ – Кехинде 81’)
Шкупи-Тиквеш 3:2
(Воша 39’, Аворнио 86’, Дуду 97’ – Спахиу 53’, 82’)
Воска спорт-Брегалница 4:0
(Јашароски 11’, 21’, Георгиев 44’, Марушиќ 82’)
Табела:
Спорт
(Видео) Арсенал го доби Тотенхем во градското дерби
Фудбалерите на Арсенал успешно ја продолжуваат трката за титулата во Премиер лигата. „Топџиите“, гостуваа кај најголемиот ривал Тотенхем и славеа драматична победа во дербито на северен Лондон.
Натпреварот на стадионот на Тотенхем заврши со резултат 2:3 (0:3).
Арсенал со оваа победа ја зголеми предноста на врвот на табелата на четири бода од второпласираниот Манчестер Сити, но шампионот на Англија има два натпревари помалку.
Се чинеше дека се е решено во дербито на северен Лондон по нешто повеќе од половина час игра кога гостите дојдоа до предност од три гола.
„Топчиите“ поведоа само една минута откако голот на Хаверц беше поништен поради офсајд. Се играше во 15. минута, корнерот го изведе Букајо Сака, а Данецот Пјер Емил Хајберг си постигна автогол.
Тотенхем одговори многу брзо, во 21. минута Ромеро најпрвин ја погоди стативата, а само минута подоцна Мики Ван де Вен ја затресе мрежата на Арсенал, но ВАР утврди дека младиот Холанѓанец бил во офсајд на почетокот на акцијата.
Домашните продолжија да напаѓаат, во 27. минута имаше гужва во шеснаесетникот на гостите, во првиот момент се чинеше дека Тотенхем може да добие пенал (Кулушевски падна), но Арсенал изведе брза контра која ја заврши Букајо Сака.
Само десет минути подоцна веќе беше 0:3. Деклан Рајс изведе уште еден корнер, овој пат од левата страна, а Каи Хаверц беше најснаодливиот играч во шеснаесетникот на Тотенхем.
Второто полувреме започна со отворена игра и шанси на двете страни, а домашните на крајот постигнаа гол во 64. минута по големата грешка на голманот на Арсенал, Давид Раја. Шпанецот буквално му ја подари повратната топка на Габриел на Кристијан Ромеро, а Аргентинецот без мака ја затресе мрежата на гостите.
Во 87. минута беше досуден пенал за Тотенхем, по фаулот на Деклан Рајс врз Бен Дејвис. Сон Хеунг-Мин ја зеде топката и буквално ја заби во мрежата.
Тотенхем се обиде да стигне до сензационално реми, но резултатот повеќе не се менуваше.
Тотенхем со овој пораз ги намали шансите во борбата за место кое води во Лигата на шампионите. Моментално се петти во поредокот со дури седум бода помалку од Астон Вила, иако имаат одиграно два натпревари помалку.
Спорт
Шпанија пред ЕУРО 2024 се соочува со казна од ФИФА и УЕФА
УЕФА внимателно ја набљудува ситуацијата во Фудбалскиот сојуз на Шпанија и би можела да реагира со исфрлање на шпанските клубови од нивните натпреварувања, објави „АС“ минатата недела. Ако политиката се вклучи во фудбалот, тоа може да биде казна за која ќе размислува највисокото фудбалско тело во Европа.
За потсетување, Барселона сака да го тужи националниот сојуз (РФЕФ) за она што го смета за неправда на Ел Класико. Барселона сака по судски пат да го реши спорот дали се оштетени во поразот од Реал Мадрид од 2:3. Спорен е голот на Јамал, односно дали топката по енгивот удар ја мина гол-линијата.
Освен овој случај, на УЕФА не и се допаѓа уште еден. РФЕФ се уште не избрала нов претседател, а поради корупцискиот скандал дел од кандидатите се суспендирани. Исто така, Луис Рубиалес, поранешниот претседател на РФЕФ, беше суспендиран од сите фудбалски должности на три години поради сексистичкиот скандал во финалето на Светското првенство за жени.
Ако УЕФА ја реализира заканата „АС“, тврди дека шпнските клубови нема да можат да учествуваат во Лигата на шампионите, Лигата на Европа и конференциската лига, а шпанската репрезентација на Европското првенство и Лигата на нации.
„Во последните години ФИФА ги казни Перу, ЧАД, Гватемала, Кенија, Тринидад и Тобаго и Зимбабве. Следна на ред би можела да биде Шпанија. Во Нион и Цирих беа шокирани кога се појави информација за можната казна. По состанокот во четвртокот сфатиле дека се случува нешто што досега не е забележано.
Двете организации сметаат дека претседателот на Врховниот совет за спорт на Шпанија, Родригез Урибес, прекршил се што е договорено и дека затоа мора да даде убедливо објаснување за своите постапки или Шпанија ќе почне да трпи последици за постапките на Врховниот советот. Овие последици се однесуваат на Евро 2024, Светско првенство 2026 и сите европски натпреварувања на шпанските клубови. Ова не е закана без покритие, сега е реалност“, пишува „Марка“.