Македонија
Груевски: Се очекува раст на економијата од 3,5 отсто
За оваа година премиерот Никола Гревски очекува раст на економијата од 3,5 отсто како резултат на намалувањето на светската економската криза, каматните стапки и подобрен извоз.„Можам да кажам дека постои еден зголемен интерес што укажува дека во 2011 може да очекуваме нешто повеќе инвестиции од 2010 година и тоа во голема мера ќе зависи од намалувањето на ефектите од светската економска криза“, рече премиерот Никола Груевски.Тој на денешната посета на градежните работи на аеродромот „Александар Велики“ кој го гради турската компанија „ТАВ“ потенцираше дека оваа година економијата ќе се подобрува што ќе допринесе до раст од 4,5 отсто во 2012 година.Груевски рече дека за зголемување на приходите во иднина ќе допринесе и реконструкцијата на аеродромот со зголемениот број на летови.„Изградбата на објектите треба да заврши некаде меѓу јуни и септември, така што засега се оди според планот. Ќе се инвестираат вкупно 120 милиони евра во Скопје и Охрид, а дополнителни средства ќе бидат неопходни за изградба на штипскиот карго аеродром“, рече Груевски.Тој информираше дека терминалот за патници ќе биде десет пати поголем и ќе биде изграден паркинг за повеќе од 350 автомобили.Инвестицијата на „ТАВ“ ќе изнесува околу 200 милиони евра, според договорот треба на работа да бидат задржани сите 760 вработени во наредните седум години и да не бидат намалени нивните плати.Во март оваа година „ТАВ“ официјално ја превзема концесијата брз скопскиот и охридскиот аеродром. /крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска има повеќе од двојна предност пред Пендаровски, покажуваат првичните резултати на ДИК
Кандидатката за претседателка, Гордана Силјановска-Давкова од ВМРО-ДПМНЕ има повеќе од двојно водство пред Стево Пендаровски од СДСМ, покажуваат првичните резултати на ДИК.
Од обработените податоци, Силјановска има 148.568 гласа, односно 62,74 отсто, наспроти нејзиниот опонент со 71.906 гласа, односно 30,37 отсто.
ДИК претходно објави дека постигнат е цензусот за претседателските избори.
Македонија
ВМРО-ДПМНЕ има убедлива предност пред СДСМ, покажуваат првичните бројки од партискиот штаб
Од обработени 9,61% од гласовите ВМРО-ДПМНЕ има освоено 20.713 а СДСМ 5.857 глас, покажуваат првичните резултати од аналитичкиот центар на ВМРО-ДПМНЕ.
Така, од партијата анализираат дека ВМРО-ДПМНЕ има убедливо водство пред СДСМ и другите партии на парламентарните избори.
Бројките на партијата досега се: ВМРО – ДПМНЕ – 20.713, СДСМ – 5.857, ДУИ – 7.552, ЛЕВИЦА – 1771, ЗНАМ – 1.552, ВЛЕН – 4.100, ГРОМ – 109.
Потпретседателот на ВМРО-ДПМНЕ, Владо Мисајловски и носител на изборната единица број 2 во изјава за медиумите говорејќи за претседателските избори рече дека Гордана Силјановска Давкова има убедливо водство пред Стево Пендаровски.
Според партиските бројки, од избројани 12.54 осто од избирачките места, Сиљановска-Давкова има освоено 126.678 гласови, додека пак кандидатот на СДСМ, Стево Пендаровски има 51.965 гласови.
Македонија
Али Ахмети од денеска е најголемиот политички губитник, кажа Меџити
Претседателот на Демократското движење и носител на листа на пратениците од коалицијата ВЛЕН во ИЕ 1, Изет Меџити на вечерашната прес-конференција кажа дека ВЛЕН е апсолутен победник во албанскиот кампус.
„Ви благодариме на трпението и отпорот на сите закани. Како што предупредувавме во текот на кампањата, денеска изборниот процес беше се, само не демократски. За жал државните институции кои имаат задача да го гарантираат процесот, денеска повторно се ставија во служба на ДУИ. Се е документирано и во текот на наредните денови ќе ги информираме претставниците на амбасадите, набљудувачките мисии за сите овие настани и другите релевантни инститиции во земјата и странство. За насилството врз гласачкото право ќе се одговоара“, кажа Меџити.
Тој се осврна и за бојкотот на изборите од страна на ДУИ.
„Денеска драги Албанци, партијата којашто владееше со институциите 22 години го покажа своето вистинско лице, маските на крај паднаа. Со бојкото ДУИ за жал се обиде да го врати политичкото организирање на Албанците во Македонија на предполитичко ниво. Партијата која излезе под името Европски фронт го бојкотираше изборниот процес, примитивен и недемократски чин, чин спротивен на секој европски и демократски принцип, чин кој создава горчлива слика за Албанците во светот“, рече Меџити.
Тој јавно го праша Бујар Османи како ќе го оправда бојкотот на изборите и примитивното однесување на денот на изборите утре пред меѓународните партнери.
„Од утре Македонија се подготвува за политичка ротација. Новата влада ќе ја одразува мнозинството на албански гласачи. Со денешниот ден Али Ахмети ја запечати својата конечна изолација од сите релевантни општествени и политички чинители и фактори во државата и меѓународните фактори. Али Ахмети од денеска е најголемиот политички губитник. Заедно со Артан Груби и неговите пријатели кои во оваа кампања демонстрираа само ароганција и насилство, од денеска ќе заврши во политичка изолација од коалициските партнери од опозициските партии од странските амбасадори, од меѓународната заедница, од невладините организации“, кажа Меџити.